"Artemis II" ميسسيياسىنىڭ ەكيپاجى ايعا جاقىنداپ قالدى, دەپ حابارلايدى Dalanews.kz.
6 سەۋٸردە استروناۆتار ۇشۋ قاشىقتىعى بويىنشا Apollo 13 ميسسيياسىنىڭ رەكوردىن جاڭارتادى. بۇل سەت استانا ۋاقىتىمەن ساعات 22:56-دا بولادى. ساعات 23:45-تە ايدى باقىلاۋ باستالادى.
7 سەۋٸردە ساعات 03:47-دە كەمە ايدىڭ ارعى بەتٸنە ٶتٸپ, جەرمەن بايلانىس ۋاقىتشا ٷزٸلەدٸ, ال 7 سەۋٸردە ساڭات 04:02-دە اي بەتٸنە ەڭ جاقىن نٷكتەگە جەتەدٸ: شامامەن 4500 ميل (≈7200 شاقىرىم).
ميسسييا بارىسىندا Orion كەمەسٸ جەردەن شامامەن 400 000 شاقىرىم قاشىقتايدى. بۇل - Apollo باعدارلاماسىنان بەرٸ ادامزات جەتكەن ەڭ الىس قاشىقتىق.
ايتا كەتەيٸك, "وريون" عارىش كەمەسٸ 1 سەۋٸردە ۇشىرىلدى. 4 سەۋٸرگە قاراي Artemis II ەكيپاجى جەر مەن اي اراسىنداعى جولدىڭ جارتىسىن ەڭسەردٸ. قازٸر كەمە 320 مىڭ شاقىرىمنان اسا قاشىقتى جٷرٸپ ٶتتٸ.
ميسسييا بارىسىندا استروناۆتار ايدى اينالىپ ٶتەدٸ, بٸراق ونىڭ بەتٸنە قونبايدى. جەرگە ورالۋ 10 كٷننەن كەيٸن جوسپارلانعان.
