"Artemis II" missiiasynyń ekipajy Aiǵa jaqyndap qaldy, dep habarlaidy Dalanews.kz.
6 sáýirde astronavtar ushý qashyqtyǵy boiynsha Apollo 13 missiiasynyń rekordyn jańartady. Bul sát Astana ýaqytymen saǵat 22:56-da bolady. Saǵat 23:45-te Aidy baqylaý bastalady.
7 sáýirde saǵat 03:47-de keme Aidyń arǵy betine ótip, Jermen bailanys ýaqytsha úziledi, al 7 sáýirde sańat 04:02-de Ai betine eń jaqyn núktege jetedi: shamamen 4500 mil (≈7200 shaqyrym).
Missiia barysynda Orion kemesi Jerden shamamen 400 000 shaqyrym qashyqtaidy. Bul - Apollo baǵdarlamasynan beri adamzat jetken eń alys qashyqtyq.
Aita keteiik, "Orion" ǵarysh kemesi 1 sáýirde ushyryldy. 4 sáýirge qarai Artemis II ekipajy Jer men Ai arasyndaǵy joldyń jartysyn eńserdi. Qazir keme 320 myń shaqyrymnan asa qashyqty júrip ótti.
Missiia barysynda astronavtar Aidy ainalyp ótedi, biraq onyń betine qonbaidy. Jerge oralý 10 kúnnen keiin josparlanǵan.
