اتىراۋ وبلىسىندا بٸر توپ جاس جٸگٸتتٸڭ قىزمەتتٸك مٸندەتٸن اتقارۋ كەزٸندە پوليتسييا قىزمەتكەرٸنە شابۋىل جاساعانى تۋرالى اقپارات تارادى. سونداي-اق ەلەۋمەتتٸك جەلٸدە وقيعا ورنىنان كادرلار جارييالاندى. بۇل وقيعاعا قاتىستى وبلىستىق پد ٶكٸلدەرٸ پٸكٸر بٸلدٸردٸ, دەپ حابارلايدى Dalanews.kz
وقيعانىڭ ۆيدەوسى Instagram-داعى atyrauoil.official پاراقشاسىندا جارييالانعان ەدٸ.
ۆيدەونى جٷكتەگەن اۆتوردىڭ حابارلاۋىنشا, الدىن الا مەلٸمەتكە سەيكەس, بٸر توپ جٸگٸت ەسكەرتۋ جاساعان پوليتسەيدٸ سوققىعا جىققان.
اتىراۋ وبلىستىق پوليتسييا دەپارتامەنتٸ وقيعاعا قاتىستى تٷسٸنٸكتەمە بەردٸ.
"2026 جىلعى 3 سەۋٸر كٷنٸ شامامەن ساعات 22:00-دە ماقات اۋدانىندا پوليتسييا قىزمەتكەرلەرٸ قىزمەتتٸك مٸندەتتەرٸن اتقارۋ بارىسىندا قۇقىققا قايشى ەرەكەتتٸڭ جولىن كەستٸ. تەكسەرۋ بارىسىندا بٸر توپ ازاماتتىڭ قارسىلىق تانىتىپ, پوليتسييا قىزمەتكەرلەرٸنە قاتىستى كٷش قولدانعانى انىقتالدى", - دەلٸنگەن پد مەلٸمدەمەسٸندە.
وقيعا نەتيجەسٸندە ەكٸ پوليتسييا قىزمەتكەرٸ زارداپ شەككەن.
وقيعاعا قاتىسۋشىلاردىڭ بارلىعى انىقتالىپ, ولارعا قاتىستى پروتسەسسۋالدىق شارالار قابىلدانعان. بيلٸك ٶكٸلدەرٸنە قاتىستى كٷش قولدانۋ فاكتٸسٸ بويىنشا "بيلٸك ٶكٸلٸنە قاتىستى قورقىتۋ نەمەسە كٷش قولدانۋ" بابىمەن قىلمىستىق ٸس تٸركەلگەن. قازٸرگٸ ۋاقىتتا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
"پوليتسييا قىزمەتكەرلەرٸنە قاتىستى كەز كەلگەن زاڭعا قايشى ەرەكەتتەر زاڭدى ٶرەسكەل بۇزۋ بولىپ تابىلاتىنىن جەنە زاڭناماعا سەيكەس جاۋاپكەرشٸلٸككە ەكەپ سوعاتىنىن ەسكەرتەمٸز", - دەلٸنگەن حابارلامادا.
ٶزگە اقپاراتتار تەرگەۋ مٷددەسٸنە ساي جارييالاۋعا جاتپايدى دەلٸنگەن رەسمي حابارلامادا.
