استانا قالاسىنىڭ كوممۋنالدىق قىزمەتكەرلەرىنىڭ جۇمىسىن جانداندىرۋعا اكىمدىك ايرىقشا كوڭىل ءبولىپ كەلەدى. جىل وتكەن سايىن كوممۋنالدىق قىزمەت سالاسىنداعى تەحنيكالار جاڭارىپ، قىزمەتكەرلەرىنە ايلىق جالاقىسى وسۋدە. بۇل باعىتتاعى جۇمىستار قالا باسشىسىنىڭ تىكەلەي قاداعالاۋىندا دەسەك بولادى.

ەلوردا كۇننەن-كۇنگە ءوسىپ، وركەندەپ كەلەدى. جاڭا تۇرعىن اۋداندار، الەۋمەتتىك نىساندار، كوشەلەر مەن كوپىرلەر اشىلۋدا. ال ونىڭ ءبارىن كۇتىپ باپتاپ ۇستاۋ ءىسى وڭاي ەمەس. سوندىقتان جىل وتكەن سايىن كوممۋنالدىق قىزمەت سالاسىنىڭ جۇكتەمە ارتىپ كەلەدى. ەلوردانىڭ قاتال قىسىنا قاراماستان، كوممۋنالدىق كاسىپورىن قىزمەتكەرلەرى كەز كەلگەن اۋا رايىندا كۇندىز دە، تۇندە دە جۇمىس ىستەۋگە ءازىر.

– قالامىزداعى كوممۋنالدىق قىزمەتكەرلەرىنىڭ قولايلى جاعدايدا ەڭبەك ەتۋى ءۇشىن كوممۋنالدىق قىزمەتتەردىڭ اۆتوپاركىن ۇنەمى جاڭارتىپ وتىرامىز. سونىمەن قاتار جالاقى مولشەرىن ارتتىرىپ، قوسىمشا سىياقى بەرۋدى دە ەنگىزدىك. ماسەلەن سوڭعى جىلداردىڭ وزىندە 300-دەن استام ارنايى تەحنيكا مەن جابدىق ساتىپ الىندى. وسىلايشا، اۆتوپارك ايتارلىقتاي جاڭارتىلدى، سەبەبى جۇمىس قىزىپ جاتقان تۇستا ەسكى تەحنيكالاردىڭ ىستەن شىققان كەزى بولعان، – دەگەن ەدى قالا اكىمى التاي كولگىنوۆ.

«استانا تازالىق» جول جۇمىسشىلارى مەن جۇرگىزۋشىلەرىنىڭ جالاقىسىن قاراشا ايىنان باستاپ 20%-عا جوعارلاعانىن ايتا كەتۋىمىز كەرەك (بۇرىن جالاقى باسقا ساناتتار ءۇشىن دە كوتەرىلگەن).  اكىم قالالىق كوممۋنالدىق قىزمەت ماماندارىنىڭ جالاقىسىن 2023 جىلى تاعى دا كوتەرىلەتىنىن العا تارتتى. «قاجەت بولعان جاعدايدا اۆتوپاركتى ارى قاراي دا جاڭارتامىز» دەدى التاي كولگىنوۆ.

قىس مەزگىلىندە قالانىڭ كوممۋنالدىق قىزمەتتەرى كوشەلەردى، الەۋمەتتىك نىساندارعا كىرەر جولداردى، جاياۋ جۇرگىنشىلەرگە ارنالعان تروتۋارلاردى، ايالدامالاردى تازالاۋعا ەرەكشە نازار اۋدارىلعان. ال اۋدان اكىمدىكتەرى اۋلا ىشىندەگى اۋماقتاردى جيناۋ بويىنشا پيك (ميب) جۇمىسىن باقىلايتىنىن ايتا كەتۋىمىز كەرەك.