اۋا رايىنىڭ جىلىنۋىمەن ەلوردادا جولداردى جٶندەۋ جەنە سالۋ جۇمىستارى باستالدى. بيىل قالانىڭ جول ينفراقۇرىلىمىن جاقسارتۋ باعدارلاماسى اياسىندا 60-تان استام كٶشەدە ورتاشا جٶندەۋ جۇمىستارىن جٷرگٸزۋ جوسپارلانىپ وتىر, دەپ حابارلايدى Dalanews.kz
جۇمىستار جول تٶسەمٸنٸڭ ساپاسىن قالپىنا كەلتٸرۋ مەن جاقسارتۋعا عانا ەمەس, سونىمەن قاتار جول قوزعالىسى قاۋٸپسٸزدٸگٸ مەن تۇرعىنداردىڭ ەمٸن-ەركٸن جٷرۋٸن ارتتىرۋعا باعىتتالعان.
10 سەۋٸردەن باستاپ مىنا كٶشەلەردە جٶندەۋ جۇمىستارى باستالادى:
- الاش تاس جولىنىڭ بويى, 69 كٶشەدەن 191 كٶشەگە دەيٸن;
- قورعالجىن تاس جولىنىڭ بويى, تۇران داڭعىلىنان 128 كٶشەگە دەيٸن;
- سىعاناق كٶشەسٸ قابانباي باتىر داڭعىلىنان كٶلٸك ايرىعىنا دەيٸن (ٶتكەن جىلى جۇمىستار ش. ايتماتوۆ كٶشەسٸنەن قابانباي باتىر داڭعىلىنا دەيٸنگٸ ۋچاسكەدە جٷرگٸزٸلگەن);
- تۇرعىن الاپتاردا – جاڭاقونىس, قارتالى, فاحت بەن ابدۋل ازيز, گەرتسەن, ش.بٶكەەۆ جەنە ت.ب.
جٶندەۋدٸڭ نەگٸزگٸ كەزەڭدەرٸنٸڭ بٸرٸ - شۇڭقىرلى تۇستار مەن مارشرۋتتىق جولدار. ول جابىننىڭ زاقىمدانۋىن تٷزەتۋدٸ, جول جاعدايىن جاقسارتۋدى جەنە اۆتوكٶلٸك جٷرگٸزۋشٸلەرٸ مەن جاياۋ جٷرگٸنشٸلەر ٷشٸن قوزعالىس ىڭعايلىلىعىن قامتاماسىز ەتەدٸ. بۇل باعىتتاعى جۇمىستار بەلسەندٸ جٷرگٸزٸلۋدە.
سونداي-اق, جوسپارلانعان جۇمىستاردىڭ قاتارىندا جاڭا تروتۋارلاردى, ايالداما بۇرىلىستارىن, پاندۋستاردى سالۋ مەسەلەسٸ بار. جول بەلگٸلەرٸ دە جاڭارتىلادى. «بالالار قاۋٸپسٸزدٸگٸ» سيياقتى قاۋٸپسٸزدٸك باعدارلامالارىنا ەرەكشە نازار اۋدارىلاتىن بولادى, ونىڭ اياسىندا بالالار مەكەمەلەرٸ مەن مەكتەپتەردٸڭ جانىندا ورنالاسقان ۋچاسكەلەردە بالالار مەن اتا-انالاردىڭ قاۋٸپسٸز قوزعالىسىن قامتاماسىز ەتەتٸن بەلگٸلەر ورناتىلادى.
بۇدان باسقا, بيىل ەلوردادا ۇزىندىعى 14,7 كم بولاتىن 43 نىساننىڭ قۇرىلىسى جوسپارلانىپ وتىر, سەگٸز جوبا بويىنشا جۇمىس تولىق اياقتالادى, 28 جوبا بويىنشا جالعاسادى, تاعى جەتەۋٸ جاڭادان باستالادى, ونىڭ ٸشٸندە:
- ق.قايسەنوۆ كٶشەسٸ بۇقار جىراۋ كٶشەسٸنەن ۇلى دالا داڭعىلىنا دەيٸن;
- بۇقار جىراۋ كٶشەسٸ ەل-فارابي داڭعىلىنان جوشى حان كٶشەسٸنە دەيٸن;
- رىسقۇلوۆ كٶشەسٸ مەڭگٸلٸك ەل داڭعىلىنان نۇرا-ەسٸل كانالىنا دەيٸن جەنە ت.ب.
سونداي-اق, ن.تٸلەنديەۆ داڭعىلى مەن ش.بەيسەكوۆ كٶشەسٸنٸڭ قيىلىسىندا ەكٸ دەڭگەيلٸ كٶلٸك ايرىعىن سالۋ جوباسىن جٷزەگە اسىرىلىپ جاتىر.
جىل سوڭىنا دەيٸن جول جٷرۋدٸ قامتاماسىز ەتە وتىرىپ, ق.مۇحامەدحانوۆ كٶشەسٸن سالۋ جوباسى ٸسكە اسىرىلۋدا, بۇل ايتماتوۆ پەن قورعالجىن تاس جولىنىڭ قيىلىسىنداعى كٶلٸك اعىنىن ازايتادى.
جٶندەۋ جۇمىسىنا بايلانىستى جابىلاتىن ەربٸر ۋچاسكە بويىنشا رەسمي دەرەككٶزدەردە الدىن الا حابارلاناتىن بولادى.
