استاناداعى №2 بالالار مەن جاسٶسپٸرٸمدەر سپورت مەكتەبٸنٸڭ تاعدىرىنا قاتىستى جاڭا باستاما قوعام نازارىن اۋداردى. اتالعان سپورت مەكتەبٸن №10 سپورت مەكتەبٸمەن بٸرٸكتٸرۋ مەسەلەسٸ كٶتەرٸلگەن. ەكٸ تٷرلٸ باعىتتا بالالاردى دايارلايتىن مەكتەپتٸ قوسۋعا كٶپشٸلٸك قارسىلىق تانىتۋدا, دەپ حابارلايدى Dalanews.kz
№2 مەكتەپتە بٸلٸم الاتىن مۇز ايدىنىندا جاتتىعاتىن 700-گە جۋىق سپورتشى - مەنەرلەپ سىرعاناۋشىلار, كونكيمەن جٷگٸرۋشٸلەر, شورت-ترەك شەبەرلەرٸ جەنە باسقا دا جەكە سپورت تٷرلەرٸنٸڭ ٶكٸلدەرٸ №10 بجسم-مەن ىقتيمال بٸرٸكتٸرۋ مەسەلەسٸنە بايلانىستى بەلگٸسٸزدٸك جاعدايىندا قالدى. ال №10 مەكتەپ نەگٸزٸنەن حوككەي كومانداسىن دايارلاۋمەن اينالىسادى.
ساراپشىلاردىڭ پٸكٸرٸنشە, ەكٸ تٷرلٸ باعىتتاعى سپورتتى بٸر مەكەمەگە شوعىرلاندىرۋ جەكە سپورت تٷرلەرٸنٸڭ دامۋىنا كەرٸ ەسەر ەتۋٸ مٷمكٸن. ٶيتكەنٸ مەنەرلەپ سىرعاناۋ, كونكي سپورتى نەمەسە شورت-ترەك سەكٸلدٸ باعىتتار ٷزدٸكسٸز مۇز دايىندىقتارىن, ناقتى ۋاقىت بٶلٸنٸسٸن جەنە مامانداندىرىلعان ينفراقۇرىلىمدى تالاپ ەتەدٸ. ەگەر وقۋ ورنى حوككەيمەن ورتاق گرافيككە كٶشسە, جەكە سپورت تٷرلەرٸنٸڭ ٶكٸلدەرٸ تولىققاندى جاتتىعۋ مٷمكٸندٸگٸنەن ايىرىلۋى ىقتيمال.
مۇنداي ٶزگەرٸستەر ۇزاق جىلدار بويى قالىپتاسقان جاتتىعۋ جٷيەسٸنە, جاس سپورتشىلاردىڭ دامۋ قارقىنىنا جەنە باپكەرلەر جۇمىسىنا ايتارلىقتاي ەسەر ەتۋٸ مٷمكٸن. سپورت مەكتەبٸنٸڭ دەربەس مەرتەبەسٸن ساقتاۋ باستاماسى وسى سەبەپتٸ قوعام تالقىسىنا تٷسٸپ وتىر.
بۇل جاعداي اتا-انالاردىڭ دا الاڭداۋشىلىعىن كٷشەيتتٸ. ولاردىڭ بٸرٸ ٶز ويىن بىلاي جەتكٸزدٸ:
“مەنٸڭ قىزىم كەسٸبي تٷردە مەنەرلەپ سىرعاناۋعا قاتىسادى جەنە ٷنەمٸ جوعارى نەتيجەلەر كٶرسەتٸپ كەلەدٸ. 2024–2025 ماۋسىمىندا ول 7 التىن مەدال جەڭٸپ الدى, ال 2025–2026 جىلعى قازٸرگٸ ماۋسىمدا حالىقارالىق تۋرنيردە 1-ورىن يەلەنٸپ, ەلٸمٸزدٸ جەنە بٸزدٸڭ تۋعان سپورت ورتالىعىمىز - №2 بجسم-دٸ ابىرويمەن تانىتتى”.
قازٸر اتا-انالار, جاتتىقتىرۋشىلار جەنە سپورتشىلار №2 بجسم-نٸڭ جەكە سپورت تٷرلەرٸن دامىتۋ ورتالىعى رەتٸندە ساقتالۋى قاجەت ەكەنٸن ايتۋدا. ولاردىڭ پايىمىنشا, بۇل شەشٸم بالالاردىڭ سپورتتاعى بولاشاعىنا جەنە ەلدٸڭ حالىقارالىق ارەناداعى نەتيجەسٸنە ىقپال ەتەدٸ.
مەسەلە بويىنشا رەسمي شەشٸم ەلٸ قابىلدانعان جوق. قوعامارالىق تالقىلاۋ جالعاسۋدا.
