العىس ايتۋ كۇنىن بەكەر ويلاپ تاپپاپتى، وعان 21،9 ملن تەڭگە جۇمسالادى ەكەن.
«ەتنوFashion» دەگەن فەستيۆال وتكىزۋگە 11،8 ملن. تەڭگە. «كوشباسشى بول!» دەگەن جوباعا 10 ملن. تەڭگە. ەتنيكالىق تەاترلاردىڭ رەسپۋبليكالىق فەستيۆالىن وتكىزۋگە 119 ملن. تەڭگە! وسىلاي كەتە بەرەدى.
ەرىگىپ، ءان سالىپ، بي بيلەپ جۇرگەندەرگە سۋداي اعىپ كەتىپ جاتقان قايران قاراجات!
اسسامبلەياعا جىل سايىن 3 ملرد. تەڭگەگە جۋىق قاراجات بولىنەدى ەكەن.
بۇعان اسسامبلەيا اتىنان سايلانىپ وتىرعان 9 دەپۋتاتتىڭ ايلىعىن، پاتەرىن ت.ب. دا شىعىندارىن قوسىڭىز. ءار ۇلتتان ءبىر دەپۋتات دەگەن بۇدان بىلاي بولماۋى كەرەك. ولار وسى مەملەكەتتىڭ ازاماتى بولسا، ەل قاتارلى سايلانسىن. بۇدان بىلايعى دەپۋتاتتاردىڭ بارلىعىنىڭ قازاق ءتىلىن ءبىلۋىن تالاپ ەتىپ، ول تالاپتىڭ سايلاۋ تۋرالى زاڭعا دا ەنگىزىلۋىن قولعا الۋ كەرەك.
جالپى اسسامبلەيا جاساندى، قاجەتسىز، شىعىنى وتە كوپ، ۇلتتاردىڭ بىرىكتىرۋدىڭ ورنىنا بىرىگۋىنە كەدەرگى بولىپ تۇرعان ۇيىم. جابىلۋى ءتيىس. نە بولسا سوعان اقشا شاشىپ وتىراتىن ۇيىمنىڭ قاجەتى جوق.
مەن وسىنداي مالىمەتتەردى وقىعان سايىن «دەپۋتاتتار بيۋدجەتتى قاراپ جاتىر. دەپۋتاتتار بيۋدجەتتى تالقىلاپ جاتىر» - دەپ باق-تان بەرىلەتىن اقپاراتتار ەسىمە تۇسەدى. سوندا نەنى قاراپ، نەنى تالقىلايدى؟ قاراجاتتىڭ وسىلاي جۇمسالۋىنىڭ ءبارىن دۇرىس دەپ ويلاپ، بەكىتىپ بەرە مە؟
ءلاززات دۇيسەمبەكوۆانىڭ الەۋمەتتىك جەلىدەگى جازباسىنان
