Alǵys aitý kúnin beker oilap tappapty, oǵan 21,9 mln teńge jumsalady eken.
«EtnoFashion» degen festival ótkizýge 11,8 mln. teńge. «Kóshbasshy bol!» degen jobaǵa 10 mln. teńge. Etnikalyq teatrlardyń respýblikalyq festivalin ótkizýge 119 mln. teńge! Osylai kete beredi.
Erigip, án salyp, bi bilep júrgenderge sýdai aǵyp ketip jatqan qairan qarajat!
Assambleiaǵa jyl saiyn 3 mlrd. teńgege jýyq qarajat bólinedi eken.
Buǵan assambleia atynan sailanyp otyrǵan 9 depýtattyń ailyǵyn, páterin t.b. da shyǵyndaryn qosyńyz. Ár ulttan bir depýtat degen budan bylai bolmaýy kerek. Olar osy memlekettiń azamaty bolsa, el qatarly sailansyn. Budan bylaiǵy depýtattardyń barlyǵynyń qazaq tilin bilýin talap etip, ol talaptyń sailaý týraly zańǵa da engizilýin qolǵa alý kerek.
Jalpy Assambleia jasandy, qajetsiz, shyǵyny óte kóp, ulttardyń biriktirýdiń ornyna birigýine kedergi bolyp turǵan uiym. Jabylýy tiis. Ne bolsa soǵan aqsha shashyp otyratyn uiymnyń qajeti joq.
Men osyndai málimetterdi oqyǵan saiyn «Depýtattar biýdjetti qarap jatyr. Depýtattar biýdjetti talqylap jatyr» - dep BAQ-tan beriletin aqparattar esime túsedi. Sonda neni qarap, neni talqylaidy? Qarajattyń osylai jumsalýynyń bárin durys dep oilap, bekitip bere me?
Lázzat Dúisembekovanyń áleýmettik jelidegi jazbasynan
