ەسكەري قىزمەتشٸ قىزمەتتٸك باسپاناعا قاتىستى داۋدا قورعانىس مينيسترلٸگٸن سوتتا جەڭٸپ شىقتى, دەپ حابارلايدى dalanews.kz.
ٸس ماتەريالدارىنا سەيكەس, 2009 جىلى ەسكەري قىزمەتشٸگە تٶرت ادامنان تۇراتىن وتباسىمەن بٸرگە تۇرۋ ٷشٸن قىزمەتتٸك پەتەر بەرٸلگەن. 2025 جىلى ول تۇرعىن ٷيدٸ جالداۋ شارتىن ۇزارتۋعا ٶتٸنٸش بٸلدٸرگەن. الايدا قورعانىس مينيسترلٸگٸ ەسكەري قىزمەتشٸنٸڭ قىزىنىڭ مەنشٸگٸندە پەتەر بار ەكەنٸن العا تارتىپ, ٶتٸنٸشتٸ قاناعاتتاندىرۋدان باس تارتقان.
سوت بارىسىندا تالاپكەردٸڭ كەمەلەتكە تولعان بالالارى بٶلەك تۇرىپ, دەربەس شارۋاشىلىق جٷرگٸزەتٸنٸ انىقتالدى. سونداي-اق سوت كەمەلەتكە تولعان ەرٸ اتا-اناسىنان بٶلەك تۇراتىن وتباسى مٷشەسٸنٸڭ جەكە باسپاناسىنىڭ بولۋى قىزمەتتٸك تۇرعىن ٷيدٸ جالداۋ شارتىن ۇزارتۋدان باس تارتۋعا نەگٸز بولا المايتىنىن اتاپ ٶتتٸ.
سوت شەشٸمٸندە مينيسترلٸكتٸڭ ٸستٸڭ بارلىق مەن-جايىن جان-جاقتى ەرٸ تولىق زەرتتەمەگەنٸ كٶرسەتٸلگەن.
نەتيجەسٸندە سوت تالاپ ارىزدى قاناعاتتاندىرىپ, قورعانىس مينيسترلٸگٸنە ەسكەري قىزمەتشٸنٸڭ ٶتٸنٸشٸن قايتا قاراۋدى مٸندەتتەدٸ.
