اقتٶبە قالاسىندا ٷش ٸرٸ نىساننىڭ — دراما تەاترى, ستاديون جەنە كٶپفۋنكتسيونالدى سپورت كەشەنٸنٸڭ قۇرىلىسى باستالدى. بۇل جوبالار مەملەكەت باسشىسىنىڭ تاپسىرماسى اياسىندا جٷزەگە اسىرىلۋدا, دەپ حابارلايدى Dalanews.kz
اتالعان نىساندار وبلىس ورتالىعىنداعى «التىن وردا» ەلەۋمەتتٸك-ٸسكەرلٸك ورتالىعىنىڭ قۇرامىنا ەنەدٸ. جالپى اۋماعى 165,8 گەكتاردى قۇرايتىن جاڭا كەشەن قالانىڭ سەۋلەتتٸك كەلبەتٸن تٷرلەندٸرٸپ, اقتٶبەلٸكتەر مەن قالا قوناقتارى ٷشٸن زاماناۋي مەدەني, سپورتتىق جەنە دەمالىس ايماعىنا اينالماق.
وبلىس ەكٸمٸ اسحات شاحاروۆ پەن قالا ەكٸمٸ ازامات بەكەت قۇرىلىس الاڭىندا بولىپ, جوبانىڭ بارىسىمەن تانىستى. ازامات بەكەتتٸڭ ايتۋىنشا, ورتالىقتا 700 ورىندىق وبلىستىق دراما تەاترى, 34 980 كٶرەرمەنگە ارنالعان فۋتبول ستاديونى جەنە 5 000 ورىندىق كٶپفۋنكتسيونالدى سپورت كەشەنٸ سالىنادى. سونداي-اق مۇندا قوناقٷيلەر, ساۋدا جەنە ويىن-ساۋىق ورتالىقتارى, بٸلٸم بەرۋ مەكەمەلەرٸ جەنە قازاقستان كارتاسىنىڭ پٸشٸنٸن بەينەلەيتٸن ەرەكشە «التىن وردا» ساياباعى بوي كٶتەرمەك.
بارلىق نىساندار ٶزارا ٷيلەسٸمدٸ بٸر كەشەن رەتٸندە بٸرٸكتٸرٸلەدٸ. ورتالىق اينالاسىندا دەمالىس پەن سەرۋەندەۋگە ارنالعان كەڭ اباتتاندىرىلعان ايماقتار جاسالىپ, تۇرعىندارعا قولايلى ورتا قالىپتاستىرىلادى.
جوبا تۋريستٸك كلاستەر رەتٸندە دە قاراستىرىلعان. 59 گەكتار اۋماقتا دەمالىس ساياباعى ورنالاسادى, ال بيزنەسكە ارنالعان جەر تەلٸمدەرٸ ارنايى كوميسسييا شەشٸمٸمەن بٶلٸنبەك. بۇل ٶز كەزەگٸندە اۋماقتىڭ ينۆەستيتسييالىق تارتىمدىلىعىن ارتتىرادى.
وبلىس ەكٸمٸ اسحات شاحاروۆتىڭ ايتۋىنشا, قۇرىلىس الاڭىنىڭ ورنالاسۋى تيٸمدٸ تاڭدالعان.
«جەر تەلٸمٸ قالانىڭ دەل ورتاسىندا, ينفراقۇرىلىمى دايىن «التىن وردا» شاعىن اۋدانىندا ورنالاسقان. بۇل لوگيستيكا جاعىنان دا, شىعىن تۇرعىسىنان دا تيٸمدٸ. الداعى جىلدارى اقتٶبەدە زاماناۋي سپورت ارەناسى پايدا بولىپ, بولاشاق چەمپيوندار وسى جەردە جاتتىعاتىن بولادى», — دەدٸ ٶڭٸر باسشىسى.
قۇرىلىس باسقارماسىنىڭ باسشىسى ەرجان مۇزدىباەۆ قازٸرگٸ تاڭدا بارلىق جۇمىستار بەكٸتٸلگەن كەستەگە ساي جٷرٸپ جاتقانىن حابارلادى. دراما تەاترىنىڭ ٸرگەتاسى قالانىپ, سپورت كەشەنٸندە الاڭ دايىنداۋ جۇمىستارى جٷرٸپ جاتىر. ال بولاشاق ستاديوننىڭ اۋماعى تولىق قورشالىپ, قۇرىلىسقا دايىندىق كەزەڭٸ جٷرگٸزٸلۋدە.
اقتٶبەدە بوي كٶتەرەتٸن جاڭا «التىن وردا» ەلەۋمەتتٸك-ٸسكەرلٸك ورتالىعى — ٶڭٸردٸڭ مەدەني جەنە سپورتتىق ٶمٸرٸنٸڭ جاڭا كەزەڭٸن باستايتىن ستراتەگييالىق جوبا بولماق.
