اقتٶبەدە ەر ادام ٶز اناسىن اياۋسىز ۇرىپ-سوعىپ, قابىرعاسىن سىندىرعان. الايدا جەبٸرلەنۋشٸ ۇلىن كەشٸرگەننەن كەيٸن سوت وعان 400 ساعات قوعامدىق جۇمىس جازاسىن تاعايىندادى, دەپ حابارلايدى Dalanews.kz "دياپازون" باسىلىمىنا سٸلتەمە جاساپ.
وقيعا وسىدان بٸرنەشە اي بۇرىن, قىس مەزگٸلٸندە بولعان. ٸس بويىنشا سوت ٷكٸمٸ جاقىندا عانا شىققان.
ايىپتاۋ دەرەكتەرٸنە سٷيەنسەك, 35 جاستاعى ەر ادام ماس كٷيدە ەرٸ ەسٸرتكٸ ەسەرٸندە ٷيٸنە كەلگەن. سول كەزدە ول اناسىن قۇربىسىمەن بٸرگە سپيرتتٸك ٸشٸمدٸك ٸشٸپ وتىرعانىن كٶرٸپ, جانجال شىعارعان. الدىمەن قوناق ەيەلدٸڭ بەتٸنەن ەكٸ رەت جۇدىرىقپەن ۇرىپ, داستارحاندى اۋدارىپ تاستاعان.
اناسىن قورعاۋعا ۇمتىلعان ەيەلگە دە شابۋىل جاساعان. ەر ادام ەۋەلٸ اناسىن بەتٸنەن ۇرىپ, كەيٸن جەرگە قۇلاتىپ, قابىرعاسىنا سوققى جاساعان. سوڭىندا ونى كٶتەرٸپ, تۇنشىقتىرماق بولعان. ەيەل تۇنشىعا باستاعان كەزدە ۇلىن توقتاتۋعا تىرىسقان.
جەبٸرلەنۋشٸلەر سىرتقا شىعىپ, پوليتسيياعا حابارلاسۋعا تىرىسقان. الايدا ەر ادام ولاردىڭ سوڭىنان شىعىپ, “102”-گە حابارلاسقاندارىن بايقاپ, اناسىنان ٷيگە قايتۋىن تالاپ ەتكەن.
سوت-مەديتسينالىق ساراپتاما نەتيجەسٸندە ەيەلدٸڭ ەكٸ قابىرعاسى سىنعانى انىقتالدى.
ايىپتالۋشى قىلمىستىق كودەكستٸڭ دەنساۋلىققا قاساقانا ورتاشا اۋىرلىقتاعى زييان كەلتٸرۋ بابى بويىنشا سوتتالعان. ول ٶز كٸنەسٸن تولىق مويىنداپ, ەرەكەتٸن اناسىن ٸشٸمدٸك ٸشكەنٸ ٷشٸن جاساعانىن ايتقان. دەگەنمەن ٶزٸ دە سول سەتتە ماس كٷيدە بولعان.
سوت بارىسىندا جەبٸرلەنۋشٸ بولعان وقيعانى ەگجەي-تەگجەيلٸ بايانداپ, كەيٸن ۇلىن كەشٸرگەنٸن ايتىپ, قىلمىستىق ٸستٸ توقتاتۋدى سۇراعان.
سوت شەشٸمٸمەن ەر ادام 400 ساعات قوعامدىق جۇمىسقا تارتىلدى. ٷكٸم جارييالانعاننان كەيٸن ول قاماۋدان بوساتىلدى. بۇعان دەيٸن ايىپتالۋشى ەكٸ اي تەرگەۋ يزولياتورىندا بولعان.
