اعىمداعى جىلدىڭ 1 تامىزىندا «تازا قازاقستان» جالپىۇلتتىق ەكولوگيالىق اكسياسى اياسىندا اقتوبە وبلىسىندا «تازا كاسىپ – تازا ايماق» وڭىرلىك اكسياسى ءوتتى.
اكسيا اياسىندا اقتوبە وبلىسىنداعى شاعىن، ورتا جانە ءىرى بيزنەس ۇيىمدارى وزدەرىنە ىرگەلەس اۋماقتار مەن اۋلالاردى تازارتتى.
سونىمەن قاتار، اكسيا اياسىندا اقتوبە قالاسىنىڭ اكىمدىگى «اقتوبە قالاسىنىڭ كاسىپورىندارى جانە ۇيىمدارى اراسىنداعى اباتتاندىرىلعان اۋماق» بايقاۋىنجاريالاعان بولاتىن.
بايقاۋدىڭ ماقساتى – قالانىڭ سىرتقى كەلبەتىن جاقسارتۋعا ىقپال ەتۋ، سانيتارلىق جاعدايدى جاقسارتۋ، تۇرعىندار اراسىندا ەكولوگيالىق مادەنيەتتى قالىپتاستىرۋ جانە قالالىق كاسىپكەرلىك نىساندارىنىڭ اراسىندا ەڭ جاقسى اباتتاندىرىلعان اۋماقتى انىقتاۋ.
بايقاۋعا 14 كاسىپكەرلىك نىسان قاتىستى. ولاردىڭ قاتارىندا «دينار-ەلەكتروماش» ج ش س، «Jadyra'S» جانە «كلاسسيك» ساۋدا ۇيلەرى، «ءىنجۋ»، «جاس وتاۋ» مەيرامحانالارى، «دارۋ جارىعى»وفتالمولوگيالىق ورتالىعى سياقتى بەلگىلى ۇيىمدار بار.
بايقاۋ قورىتىندىسى بويىنشا جەڭىمپازدارعا مەرەكەلىك شارا ۇيىمداستىرىلىپ، العىس حاتتار جانە ەستەلىك سىيلىقتار تابىستالادى.
«ەنەرگيا» ساۋدا ءۇيىنىڭ قىزمەتكەرى نينا دوسەنكو شارادان العان ءوز اسەرىمەن ءبولىستى.ونىڭ پىكىرىنشە، جالپىۇلتتىق ەكولوگيالىق اكسيا وتكىزۋ باستاماسى ءبىزدىڭ وبلىس ءۇشىن دە، جالپى ەل ءۇشىن دە وتە وزەكتى. «بۇگىن ءبىز ەرتەڭگى كۇنىمىزدىڭ تازالىعىنا جاۋاپتىمىز. الداعى ۋاقىتتا وسىنداي يگى شارالارعا اتسالىساتىن جاناشىر ازاماتتاردىڭ قاتارى كوبەيەدى دەپ ويلايمىن»، - دەپ اتاپ ءوتتى نينا ۆلاديميروۆنا.
ايتا كەتەيىك، «تازا قازاقستان»جالپىۇلتتىق ەكولوگيالىق اكسياسى اياسىندا اقتوبە وبلىسىندا ەلدى مەكەندەردى كوگالداندىرۋ، اباتتاندىرۋ، وزەندەردىڭ،كولدەردىڭ، بۇلاقتاردىڭ جاعالاۋلارىن تازارتۋ جانە ت. ب. بويىنشا ايتارلىقتاي جۇمىستار جۇرگىزىلدى.
جالپى، اقتوبەلىكتەر ەل پرەزيدەنتىنىڭ ۇندەۋىن زور ىقىلاسپەن قابىلداپ، وتكىزىلىپ جاتقان بارلىق شارالارعا بەلسەنە اتسالىسۋدا.
ايتا كەتۋ كەرەك، بيىلعى ءساۋىر ايىنان باستاپ «تازا قازاقستان» اكسياسىنا وبلىستا 279 077 تۇرعىن، 6 672 مەكەمە مەن كاسىپورىن قاتىستى.
بارلىق تۇرعىنداردى ەكولوگيالىق ناۋقانعا بەلسەندى قاتىسۋعا شاقىرامىز!
