​Aktsiia aiasynda Aqtóbe oblysyndaǵy shaǵyn, orta jáne iri biznes uiymdary ózderine irgeles aýmaqtar men aýlalardy tazartty.

​Sonymen qatar, aktsiia aiasynda Aqtóbe qalasynyń ákimdigi «Aqtóbe qalasynyń kásiporyndary jáne uiymdary arasyndaǵy abattandyrylǵan aýmaq» baiqaýynjariialaǵan bolatyn.

​Baiqaýdyń maqsaty – qalanyń syrtqy kelbetin jaqsartýǵa yqpal etý, sanitarlyq jaǵdaidy jaqsartý, turǵyndar arasynda ekologiialyq mádenietti qalyptastyrý jáne qalalyq kásipkerlik nysandarynyń arasynda eń jaqsy abattandyrylǵan aýmaqty anyqtaý.

​Baiqaýǵa 14 kásipkerlik nysan qatysty. Olardyń qatarynda «Dinar-Elektromash» JShS, «Jadyra'S» jáne «Klassik» saýda úileri, «Injý», «Jas otaý» meiramhanalary, «Darý jaryǵy»oftalmologiialyq ortalyǵy siiaqty belgili uiymdar bar.

​Baiqaý qorytyndysy boiynsha jeńimpazdarǵa merekelik shara uiymdastyrylyp, alǵys hattar jáne estelik syilyqtar tabystalady.

​«Energiia» saýda úiiniń qyzmetkeri Nina Dotsenko sharadan alǵan óz áserimen bólisti.Onyń pikirinshe, jalpyulttyq ekologiialyq aktsiia ótkizý bastamasy bizdiń oblys úshin de, jalpy el úshin de óte ózekti. «Búgin biz erteńgi kúnimizdiń tazalyǵyna jaýaptymyz. Aldaǵy ýaqytta osyndai igi sharalarǵa atsalysatyn janashyr azamattardyń qatary kóbeiedi dep oilaimyn», - dep atap ótti Nina Vladimirovna.

​Aita keteiik, «Taza Qazaqstan»jalpyulttyq ekologiialyq aktsiiasy aiasynda Aqtóbe oblysynda eldi mekenderdi kógaldandyrý, abattandyrý, ózenderdiń,kólderdiń, bulaqtardyń jaǵalaýlaryn tazartý jáne t. b. boiynsha aitarlyqtai jumystar júrgizildi.

​Jalpy, aqtóbelikter el Prezidentiniń úndeýin zor yqylaspen qabyldap, ótkizilip jatqan barlyq sharalarǵa belsene atsalysýda.

​Aita ketý kerek, biylǵy sáýir aiynan bastap «Taza Qazaqstan» aktsiiasyna oblysta 279 077 turǵyn, 6 672 mekeme men kásiporyn qatysty.

​Barlyq turǵyndardy ekologiialyq naýqanǵa belsendi qatysýǵa shaqyramyz!