الماتى وبلىسىنىڭ  اقتەرەك اۋىلىندا 7 وتباسىنا باسپانا كىلتى بەرىلدى. جاڭا ۇيلەردى «اقتەرەك» شارۋا قوجالىعىنىڭ ءتوراعاسى، جامبىل اۋدانىنىڭ قۇرمەتتى ازاماتى، كاسىپكەر تەمىرلان ءشاينۇسىپوۆ شارۋا قوجالىقتىڭ قاراجاتىنا سالعان، – دەپ حابارلايدى Dalanews.kz. 

ايتۋلى شاراعا اۋدان اكىمى نۇرلان ەرتاس،  اۋداندىق قوعامدىق كەڭەستىڭ ءتوراعاسى باعدات الييەۆ،  اۋداندىق ارداگەرلەر القاسىنىڭ ءتوراعاسى باتىرحان مەندەبايەۆ،  اۋىل تۇرعىندارى جانە ب ا ق وكىلدەرى قاتىستى.

نۇرلان ەرتاس ۇلى اۋىل تۇرعىندارىن جاڭا قونىستارىمەن قۇتتىقتاپ، ءسوز سويلەدى. سونداي-اق،  اقتەرەك اۋىلىنىڭ وسىپ-وركەندەۋىنە ۇلەس قوسقان ازاماتتاردى ماراپاتتادى.

كولەمى 143 شارشى مەتردى قۇرايتىن ءاربىر تۇرعىن ءۇيدى سالۋعا 13 ملن.  تەڭگەدەن قاراجات جۇمسالعان. بۇل ۇيلەر «اقتەرەك» شارۋا قوجالىعىندا جۇمىس ىستەيتىن كوپبالالى وتباسى مەن جاس ماماندارعا بەرىلدى.



اتالعان شارۋا قوجالىق بيىل جىل باسىنان بەرى 10 وتباسىنا باسپانا سىيلادى.  2022 جىلى سالىناتىن تاعى 10 ءۇيدىڭ ىرگەتاسى قۇيىلىپ قويعان.

سونىمەن قاتار اۋىلدىڭ ورتالىق ساياباعىندا  «ەڭبەك داڭقى مەموريالدىق كەشەنىنىڭ» اشىلۋ سالتاناتى ءوتتى. 40-قا جۋىق  مەملەكەتتىك ناگرادامەن، وردەنمەن ماراپاتتالعان ەڭبەك ارداگەرلەرىنىڭ ەسىمدەرى مەن اتاق داڭقى ءمارمار تاسقا قاشالىپ جازىلعان!