Aitýly sharaǵa aýdan ákimi Nurlan Ertas, aýdandyq qoǵamdyq keńestiń tóraǵasy Baǵdat Áliev, aýdandyq ardagerler alqasynyń tóraǵasy Batyrhan Mendebaev, aýyl turǵyndary jáne BAQ ókilderi qatysty.
Nurlan Ertasuly aýyl turǵyndaryn jańa qonystarymen quttyqtap, sóz sóiledi. Sondai-aq, Aqterek aýylynyń ósip-órkendeýine úles qosqan azamattardy marapattady.
Kólemi 143 sharshy metrdi quraityn árbir turǵyn úidi salýǵa 13 mln. teńgeden qarajat jumsalǵan. Bul úiler «Aqterek» sharýa qojalyǵynda jumys isteitin kópbalaly otbasy men jas mamandarǵa berildi.
Atalǵan sharýa qojalyq biyl jyl basynan beri 10 otbasyna baspana syilady. 2022 jyly salynatyn taǵy 10 úidiń irgetasy quiylyp qoiǵan.
Sonymen qatar aýyldyń ortalyq saiabaǵynda «Eńbek Dańqy memorialdyq kesheniniń» ashylý saltanaty ótti. 40-qa jýyq Memlekettik nagradamen, ordenmen marapattalǵan eńbek ardagerleriniń esimderi men ataq dańqy mármár tasqa qashalyp jazylǵan!
