جۇما كٷنٸ ەلەمدٸك نارىقتا مۇناي باعاسى ارزانداي باستادى. بۇعان اقش پەن يران اراسىنداعى قاقتىعىستى توقتاتۋ جٶنٸندەگٸ كەلٸسسٶزدەر ەسەر ەتكەن. دەگەنمەن ەنەرگەتيكالىق نىساندارعا جاسالىپ جاتقان شابۋىلدار باعانىڭ كٷرت تٶمەندەۋٸنە جول بەرمەي وتىر, دەپ حابارلايدى dalanews.kz reuters اگەنتتٸگٸنە سٸلتەمە جاساپ.
Brent ماركالى مۇنايدىڭ باعاسى 0,87 دوللارعا نەمەسە 0,82 پايىزعا تٶمەندەپ, باررەلٸنە 105,73 دوللار بولدى. ال WTI باعاسى 1,56 دوللارع, ياعني 1,65 پايىزعا ارزانداپ, 93,05 دوللارعا تٷستٸ.
بۇعان دەيٸن مۇناي نارىعىندا باعا قۇبىلىپ, ەكٸ نەگٸزگٸ ماركانىڭ قۇنى بٸر كٷندە 5 پايىزعا دەيٸن كٶتەرٸلگەن ەدٸ. ساۋدا قورىتىندىسىندا Brent 3,4 پايىزعا, WTI 2,7 پايىزعا قىمباتتادى.
قازٸر Brent پەن WTI اراسىنداعى باعا ايىرماسى باررەلٸنە 12,68 دوللارعا جەتتٸ. بۇل مامىر ايىنان بەرگٸ ەڭ جوعارى كٶرسەتكٸش. امەريكالىق مۇنايدىڭ باعاسىنا اقش-تىڭ ديزەل وتىنىن ەكسپورتتاۋعا تىيىم سالۋى مٷمكٸن دەگەن قاۋٸپ تە ىقپال ەتٸپ وتىر.
وسى ۋاقىتتا اقش پەن يران ٶكٸلدەرٸ نيۋ-يوركتە قاقتىعىستى كەزەڭ-كەزەڭٸمەن توقتاتۋ مٷمكٸندٸگٸن تالقىلاپ جاتىر. ۇسىنىلىپ وتىرعان جوسپار بويىنشا ورمۋز بۇعازى ارقىلى كەمە قاتىناسى قايتا جاندانۋى مٷمكٸن. ونىڭ ورنىنا ۆاشينگتوننان يرانعا سالىنعان ەكونوميكالىق شەكتەۋلەردٸ الىپ تاستاۋ تالاپ ەتٸلەدٸ.
اقپان ايىنىڭ سوڭىندا باستالعان قاقتىعىستان بەرٸ ەلەمدٸك مۇناي مەن گاز جەتكٸزٸلٸمٸنٸڭ شامامەن بەستەن بٸر بٶلٸگٸ ٸركٸلٸسكە ۇشىراعان. سونىڭ سالدارىنان ناۋرىزدا مۇناي باعاسى كٷرت ٶسٸپ, سۇيىتىلعان تابيعي گاز ساتىپ الۋشىلار بالاما جەتكٸزۋشٸلەر ٸزدەي باستاعان.
الايدا تاراپتاردىڭ ورتاق كەلٸسٸمگە كەلەتٸنٸ ەزٸرگە بەلگٸسٸز. يران پرەزيدەنتٸ ماسۋد پەزەشكيان سوعىستىڭ اياقتالۋى اقش-تىڭ شەشٸمٸنە بايلانىستى ەكەنٸن مەلٸمدەدٸ.
سونىمەن قاتار ايماقتاعى ەنەرگەتيكالىق ينفراقۇرىلىمعا جاڭا شابۋىلدار جاسالۋ قاۋپٸ ساقتالىپ وتىر. ساۋد ارابيياسى يران قولدايتىن حۋسيتتەر تايف قالاسى مەن يانبۋ ايماعىنا قاراي ۇشىرعان التى بالليستيكالىق زىمىراننىڭ جولدا جويىلعانىن حابارلادى.
"نەگٸزگٸ مۇناي نىساندارىنا تٶنگەن قاۋٸپ ەلٸ دە سەيٸلگەن جوق", – دەدٸ KCM Trade كومپانيياسىنىڭ باس ساراپشىسى تيم ۋوتەرەر.
قالىپتاسقان جاعدايعا بايلانىستى ساۋد ارابيياسى مۇنايدى قىزىل تەڭٸز جاعالاۋىنداعى يانبۋ تەرمينالىنا جەتكٸزەتٸن East-West قۇبىرى ارقىلى تاسىمالداۋ كٶلەمٸن ارتتىرىپ جاتىر. الايدا تانكەرلەرمەن مۇناي جٶنەلتۋ ەلٸ قالپىنا كەلتٸرٸلگەن جوق.
