الدىمەن تاپسىرىس بەرۋشٸ Doctor Web, كاسپەرسكيي سىندى رەسەيلٸك كومپانييالارمەن استىرتىن سٶز بايلاسىپ الادى. سوسىن تەندەردەگٸ تەحنيكالىق سپەتسيفيكاتسييا Doctor Web, نە كاسپەرسكيي ٶنٸمدەرٸن اينا قاتەسٸز سيپاتتايدى دا, «انتيۆيرۋس ٶندٸرۋشٸسٸنٸڭ رۇقسات حاتى بولسىن» دەگەن شارت قويادى.
بولدى, ەندٸ تەندەرگە Doctor Web, كاسپەرسكييلەر قاي كومپانيياعا رۇقسات قاعاز بەردٸ, سول ويىنشى عانا قاتىسادى.
ال انتيۆيرۋس ٶندٸرۋشٸلەرٸ ٶز كەزەگٸندە تەك رەسەيلٸك كومپانييالارعا عانا رۇقسات حاتىن بەرٸپ وتىر.
رۇقسات حات دەمەكشٸ, وسى تۇستى ەجٸكتەي كەتەيٸك: كومپانييالاردىڭ مۇنداي ٸرٸ ۇتىستارىنا (لوتتارىنا) وتاندىق كەسٸپكەرلەردٸ ماڭايلاتپادى. ٸلگەرٸدە ايتىلعان انتيۆيرۋستىڭ كەپٸلحاتى تەك رەسەيلٸك كومپانييالارعا بەرٸلەدٸ. وسىنىڭ كەسٸرٸنەن ەلٸمٸزدەگٸ نوۋتبۋك, پلانشەت, مونوبلوك قۇراستىراتىن قازاق كەسٸپكەرلەرٸ "تەحسپەتسٸ" ساي ەمەس دەگەن جەلەۋمەن تەندەردەن شەتتەتٸلٸپ وتىر.
تەندەردٸڭ لوتتارىن زەرتتەگەن DALA INSIDE مىنا كٶرٸنٸسكە كۋە بولعان:
- № 7617770-1 – سوماسى 168 239 283 تەڭگە, جەڭٸمپاز «اليانستەلەكوم» جشس, 2 ورىن «ۇلتتىق يننوۆاتسييالىق ورتالىق» جشس;
- № 8000947-1 – سوماسى 145 982 142 تەڭگە, جەڭٸمپاز «ۇلتتىق يننوۆاتسييالىق ورتالىق» جشس, 2 ورىن «Logicom» اكتسيونەرلٸك قوعامى;
- № 7326908-1 – سوماسى 75 015 556, جەڭٸمپاز «Adancom» جشس, 2 ورىن «Artson Build Invest» جشس;
- № 6417312-1 - سوماسى 83 143 124 تەڭگە, جەڭٸمپاز «ارتسون بيلد ينۆەست» جشس, 2 ورىن «ادانكوم» جشس;
- № 6428319-1 - سوماسى 54 720 000 تەڭگە, جەڭٸمپاز «ادانكوم» جشس, 2 ورىن «F3.kz» جشس;
- № 6428512-1 - سوماسى 51 000 000 تەڭگە, جەڭٸمپاز «ۇلتتىق يننوۆاتسييالىق ورتالىق» جشس, 2 ورىن «PC4U» جشس.
سوندا, تەندەردەن انىقتالعان ازعانتاي فاكتتٸڭ ٶزٸندە 578 ميلليون تەڭگە رەسەيگە كەتٸپ وتىرعان.
جوعارىدا اتالعان تەندەرلەردە 2 ورتاق فاكتور بايقالادى:
1. كونكۋرسقا تەك 2 كومپانييا قاتىسادى;
2. تەحنيكالىق سيپاتتاما رەسەيدٸڭ Dr.WEB نەمەسە Kaspersky Lab انتيۆيرۋستىق باعدارلامالارىنا لايىقتالىپ جازىلعان.
وسىلايشا, قازاقستانداعى بارلىق تەندەردەگٸ ميلليارد تەڭگەلەر رەسەيگە اشىق جولمەن كەتٸپ جاتىر.
"انتيۆيرۋستى اقش-تىڭ, يزرايلدىڭ دا كەرەمەت جاسايتىنىن ەسكەرسەك, نەگە رەسەيگە عانا جىعىپ بەرٸپ وتىرمىز دەگەن سۇراقتى انتيمونوپولدى ورگان باياعىدا قويۋى كەرەك ەدٸ. بٸراق, ولاردىڭ كومپيۋتەرلەرٸنە دە رەسەيلٸك انتيۆيرۋس ورناتىلعاندىقتان, ٶزدەرٸ ەشتەڭە ايتا الماي وتىر...", - دەيدٸ Dalainside.
ايتقانداي, شەنگەن قاقپاسى ايقارا اشىلار كٷن جاقىن. استانا مەن برٷسسەل كەلٸسسٶز جٷرگٸزۋدە. تولىعىراق: https://t.me/dalainside/1521
https://dalanews.kz/aimak/93944-zhetisudagy-zhetysu-invest-ortalygy-ongirge-inve
