Aldymen tapsyrys berýshi Doctor Web, Kasperskii syndy reseilik kompaniialarmen astyrtyn sóz bailasyp alady. Sosyn tenderdegi tehnikalyq spetsifikatsiia Doctor Web, ne Kasperskii ónimderin aina qatesiz sipattaidy da, «antivirýs óndirýshisiniń ruqsat haty bolsyn» degen shart qoiady.
Boldy, endi tenderge Doctor Web, Kasperskiiler qai kompaniiaǵa ruqsat qaǵaz berdi, sol oiynshy ǵana qatysady.
Al antivirýs óndirýshileri óz kezeginde tek reseilik kompaniialarǵa ǵana ruqsat hatyn berip otyr.
Ruqsat hat demekshi, osy tusty ejiktei keteiik: kompaniialardyń mundai iri utystaryna (lottaryna) otandyq kásipkerlerdi mańailatpady. Ilgeride aitylǵan antivirýstyń kepilhaty tek reseilik kompaniialarǵa beriledi. Osynyń kesirinen elimizdegi noýtbýk, planshet, monoblok qurastyratyn qazaq kásipkerleri "tehspetsi" sai emes degen jeleýmen tenderden shettetilip otyr.
Tenderdiń lottaryn zerttegen DALA INSIDE myna kóriniske kýá bolǵan:
- № 7617770-1 – somasy 168 239 283 teńge, jeńimpaz «Alianstelekom» JShS, 2 oryn «Ulttyq innovatsiialyq ortalyq» JShS;
- № 8000947-1 – somasy 145 982 142 teńge, jeńimpaz «Ulttyq innovatsiialyq ortalyq» JShS, 2 oryn «Logicom» aktsionerlik qoǵamy;
- № 7326908-1 – somasy 75 015 556, jeńimpaz «Adancom» JShS, 2 oryn «Artson Build Invest» JShS;
- № 6417312-1 - somasy 83 143 124 teńge, jeńimpaz «Artson Bild Invest» JShS, 2 oryn «Adankom» JShS;
- № 6428319-1 - somasy 54 720 000 teńge, jeńimpaz «Adankom» JShS, 2 oryn «F3.kz» JShS;
- № 6428512-1 - somasy 51 000 000 teńge, jeńimpaz «Ulttyq innovatsiialyq ortalyq» JShS, 2 oryn «PC4U» JShS.
Sonda, tenderden anyqtalǵan azǵantai fakttiń ózinde 578 million teńge Reseige ketip otyrǵan.
Joǵaryda atalǵan tenderlerde 2 ortaq faktor baiqalady:
1. Konkýrsqa tek 2 kompaniia qatysady;
2. Tehnikalyq sipattama Reseidiń Dr.WEB nemese Kaspersky Lab antivirýstyq baǵdarlamalaryna laiyqtalyp jazylǵan.
Osylaisha, Qazaqstandaǵy barlyq tenderdegi milliard teńgeler Reseige ashyq jolmen ketip jatyr.
"Antivirýsty AQSh-tyń, Izraildyń da keremet jasaitynyn eskersek, nege Reseige ǵana jyǵyp berip otyrmyz degen suraqty antimonopoldy organ baiaǵyda qoiýy kerek edi. Biraq, olardyń kompiýterlerine de reseilik antivirýs ornatylǵandyqtan, ózderi eshteńe aita almai otyr...", - deidi Dalainside.
Aitqandai, Shengen qaqpasy aiqara ashylar kún jaqyn. Astana men Brússel kelissóz júrgizýde. Tolyǵyraq: https://t.me/dalainside/1521
https://dalanews.kz/aimak/93944-zhetisudagy-zhetysu-invest-ortalygy-ongirge-inve
