"سەنە الار ەمەسپىن... يماندى بولسىن!" - دەپ جازدى جۋرناليست جەلىدەگى پاراقشاسىندا.
جاناردىڭ ونەردەگى ارىپتەسى ابۋ-كاي ەسىمدى ءانشى دە اتالعان اقپاراتتى راستادى.
"سەنە الار ەمەسپىن. ارداقتى اعايىن... قايعىلى حابار ەستىپ توبەمنەن مۇزداي سۋ قۇيىپ جىبەرگەندەي بولىپ وتىرمىن. بىرەر ساعاتتا جانارعا نە بولعانىن سۇراپ قانشاما حات كەلدى. ءمان-جايدى انىقتاپ، اعاسىنا حابارلاستىم. وكىنىشكە وراي، سىزدەر دە، مەن دە ەستىگەن سۋىق حابار شىن بولىپ شىقتى.
ەركە، اق كوڭىل، سۇيكىمدى جاناردان ايىرىلىپ قالدىق...
ارامىزدان ەرتە كەتتى، وكىنىشتى. جاراتقان ءوز پاناسىنا السىن! مەن سەنى شىن جاقسى كورەمىن، اپكەتاي! سەنىڭ جارقىن ءجۇزىڭ ەسىمىزدە ماڭگى قالادى. يمانىڭ جولداسىڭ بولسىن! ءبىز سەنى جاقسى كورەمىز جانار حاميتوۆا! اتا-اناسىنا جاقىن تۋىستارىنا قايعىرىپ كوڭىل ايتامىن..."، - دەپ جازدى ءانشى Instagram-دا.
بۇعان دەيىن جانار حاميتوۆا ساحناعا شىعۋعا جۇرەكسىنەتىنىن جانە جۇيكە اۋرۋعا شالدىققانىن ايتىپ اعىنان جارىلعان.
العاش SuperStar.kz جوباسىنىڭ قاتىسۋشى رەتىندە حالىققا تانىلدى، كەيىن "ارناۋ" توبىنىڭ قۇرامىندا ونەر كورسەتتى. جانار حاميتوۆا مەن نۇرجان كەرمەنبايەۆ SuperStar.kz جوباسىندا توپ قۇردى، الايدا ۇجىمنىڭ عۇمىرى سوزىلعان جوق، ەكى جىل وتكەسىن دۋەت تارقاپ تىندى.
بۇدان بۇرىن ول تۇركياداعى ەكى بالاسى مەن كۇيەۋىن تاستاپ ەلگە قاشىپ كەلگەنىن جانە كۇيەۋىنىڭ قاھارىنان قورقاتىنىن ايتىپ وتاندىق تەلەارنالاردىڭ بىرىنە سۇحبات بەرگەن.
"بالالارىمدى ساعىندىم. مەن ولاردى قايتارىپ الۋىم كەرەك..." دەگەن ەدى ءانشى.
ءانشىنىڭ اجالى نەدەن بولعانى انىقتالۋ ۇستىندە.
https://www.instagram.com/p/B2dtJQuHcp4/
