"Sene alar emespin... Imandy bolsyn!" - dep jazdy jýrnalıs jelidegi paraqshasynda.
Janardyń ónerdegi áriptesi Ábý-Kaı esimdi ánshi de atalǵan aqparatty rastady.
"Sene alar emespin. Ardaqty aǵaıyn... Qaıǵyly habar estip tóbemnen muzdaı sý quıyp jibergendeı bolyp otyrmyn. Birer saǵatta Janarǵa ne bolǵanyn surap qanshama hat keldi. Mán-jaıdy anyqtap, aǵasyna habarlastym. Ókinishke oraı, sizder de, men de estigen sýyq habar shyn bolyp shyqty.
Erke, aq kóńil, súıkimdi Janardan aıyrylyp qaldyq...
Aramyzdan erte ketti, ókinishti. Jaratqan óz panasyna alsyn! Men seni shyn jaqsy kóremin, ápketaı! Seniń jarqyn júziń esimizde máńgi qalady. Imanyń joldasyń bolsyn! Biz seni jaqsy kóremiz Janar Hamıtova! Ata-anasyna jaqyn týystaryna qaıǵyryp kóńil aıtamyn...", - dep jazdy ánshi Instagram-da.
Buǵan deıin Janar Hamıtova sahnaǵa shyǵýǵa júreksinetinin jáne júıke aýrýǵa shaldyqqanyn aıtyp aǵynan jarylǵan.
Alǵash SuperStar.kz jobasynyń qatysýshy retinde halyqqa tanyldy, keıin "Arnaý" tobynyń quramynda óner kórsetti. Janar Hamıtova men Nurjan Kermenbaev SuperStar.kz jobasynda top qurdy, alaıda ujymnyń ǵumyry sozylǵan joq, eki jyl ótkesin dýet tarqap tyndy.
Budan buryn ol Túrkıadaǵy eki balasy men kúıeýin tastap elge qashyp kelgenin jáne kúıeýiniń qaharynan qorqatynyn aıtyp otandyq telearnalardyń birine suhbat bergen.
"Balalarymdy saǵyndym. Men olardy qaıtaryp alýym kerek..." degen edi ánshi.
Ánshiniń ajaly neden bolǵany anyqtalý ústinde.
https://www.instagram.com/p/B2dtJQuHcp4/
