كانديدات، ەڭ اۋەلى، اقساقالدارمەن كەزدەسىپ، پارتيالىق باعدارلامانىڭ الەۋمەتتىك قامسىزداندىرۋعا قاتىستى باسىمدىقتارى تۋرالى اڭگىمەلەدى. سودان سوڭ اۋدان جاستارىمەن بىرگە ءوڭىردىڭ دامۋىنا قاتىستى وي ءوربىتتى.
كەزدەسۋلەردەن كەيىن شتاب ءتوراعاسى «ەسىكتەن ەسىككە» اكسياسىن جۇرگىزىپ، ۇيدى-ۇيگە ءۇنپاراق تاراتتى.
– كەزدەسۋگە كەلە الماعان قارتتاردىڭ شاڭىراعىنا بارىپ، پارتيامىزدىڭ سايلاۋالدى باعدارلاماسىن ءتۇسىندىردىم. زەينەتكە شىقسا دا ەل دامۋىنا بەيجاي قاراماي، ازاماتتىق ۇستانىمىن ايقىن بىلدىرە الاتىن ارداگەرلەردىڭ پىكىرى ءبىز ءۇشىن ءاردايىم ماڭىزدى. ءارقايسىسىنىڭ تىلەگىن نازارعا الدىق، – دەيدى سايرانگۇل ءجۇمادىلوۆا.
وسى رەتتە «AMANAT» كانديداتى قارتتاردىڭ قامسىزدىعى ماڭىزدى مىندەتتەردىڭ ءبىرى ەكەنىن جەتكىزدى.
– ەگدە جاستاعى، زەينەت جاسىنا تاياعان جانە زەينەتتەگى ازاماتتاردىڭ ەڭبەگى سۇرانىسقا يە بولۋى كەرەك. زەينەتكەرلەر لايىقتى زەينەتاقى الۋى كەرەك، جاقسى تاماقتانۋ، ساپالى جانە قولجەتىمدى ەم الۋ، بەلسەندى ءومىر سالتىن ۇستانۋ مۇمكىندىگى بولۋعا ءتيىس.
وسى تۇرعىدا مەملەكەتتىك جانە پارتيالىق قولداۋ شارالارى كەڭەيتىلەتىن بولادى. سوندىقتان ازاماتتاردىڭ ءال-اۋقاتىن ارتتىرۋ ءۇشىن ايانباي ەڭبەك ەتىپ جۇرگەن «AMANAT» پارتياسىنا داۋىس بەرىڭىزدەر! – دەدى سايرانگۇل ءجۇمادىلوۆا.
شىعىس قازاقستان وبلىستىق ءماسليحاتى دەپۋتاتتارىنىڭ
سايلاۋىندا پارتيالىق ءتىزىمدى ۇسىنعان «AMANAT»
پارتياسى سايلاۋ قورىنىڭ قاراجاتىنان تولەندى
