Kandıdat, eń áýeli, aqsaqaldarmen kezdesip, partıalyq baǵdarlamanyń áleýmettik qamsyzdandyrýǵa qatysty basymdyqtary týraly áńgimeledi. Sodan soń aýdan jastarymen birge óńirdiń damýyna qatysty oı órbitti.
Kezdesýlerden keıin shtab tóraǵasy «Esikten esikke» aksıasyn júrgizip, úıdi-úıge únparaq taratty.
– Kezdesýge kele almaǵan qarttardyń shańyraǵyna baryp, partıamyzdyń saılaýaldy baǵdarlamasyn túsindirdim. Zeınetke shyqsa da el damýyna beıjaı qaramaı, azamattyq ustanymyn aıqyn bildire alatyn ardagerlerdiń pikiri biz úshin árdaıym mańyzdy. Árqaısysynyń tilegin nazarǵa aldyq, – deıdi Saırangúl Jumadilova.
Osy rette «AMANAT» kandıdaty qarttardyń qamsyzdyǵy mańyzdy mindetterdiń biri ekenin jetkizdi.
– Egde jastaǵy, zeınet jasyna taıaǵan jáne zeınettegi azamattardyń eńbegi suranysqa ıe bolýy kerek. Zeınetkerler laıyqty zeınetaqy alýy kerek, jaqsy tamaqtaný, sapaly jáne qoljetimdi em alý, belsendi ómir saltyn ustaný múmkindigi bolýǵa tıis.
Osy turǵyda memlekettik jáne partıalyq qoldaý sharalary keńeıtiletin bolady. Sondyqtan azamattardyń ál-aýqatyn arttyrý úshin aıanbaı eńbek etip júrgen «AMANAT» partıasyna daýys berińizder! – dedi Saırangúl Jumadilova.
Shyǵys Qazaqstan oblystyq máslıhaty depýtattarynyń
saılaýynda partıalyq tizimdi usynǵan «AMANAT»
partıasy Saılaý qorynyń qarajatynan tólendi
