جاڭا وقۋ جىلى قارساڭىندا الماتى وبلىسىندا «كەلەشەك مەكتەپتەرٸ» جوباسى اياسىندا 4 200 ورىنعا شاقتالعان بەس جاڭا بٸلٸم وشاعى اشىلادى. سونىمەن قاتار رەنوۆاتسييا باعدارلاماسى اياسىندا تاعى 10 مەكتەپ كٷردەلٸ جٶندەۋدەن ٶتكٸزٸلٸپ, پايدالانۋعا بەرٸلمەك. بۇل تۋرالى الماتى وبلىسىنىڭ ەكٸمٸ مارات سۇلتانعازيەۆ «كونستيتۋتسييالىق قۇندىلىقتار: كەسٸبيلٸك, ساپا, نەتيجە» اتتى وبلىستىق تامىز مەسليحاتىندا مەلٸمدەدٸ, دەپ حابارلايدى dalanews.kz.
سونىمەن قاتار وبلىستا مەكتەپ تاپشىلىعىن جويۋ ماقساتىندا جاڭا جوبالار دا ەزٸرلەنۋدە. مەسەلەن, الماتى ەكٸمدٸگٸمەن بٸرلەسٸپ, بٸرنەشە جاڭا مەكتەپ سالۋ جوسپارلانۋدا. وبلىس ەكٸمدٸگٸ جەر ۋچاسكەلەرٸن انىقتاپ قويعان, قازٸرگٸ تاڭدا تاراپتار كەلٸسسٶزدەر جٷرگٸزۋدە.
«الماتى اگلومەراتسيياسىن دامىتۋ اياسىندا قالا ماڭىنداعى اۋماقتاردا جاڭا بٸلٸم بەرۋ نىساندارىن سالۋ جٶنٸندە كەلٸسٸمدەرگە قول جەتكٸزٸلدٸ. بٸزدٸڭ تاراپىمىزدان جەر ۋچاسكەلەرٸن ۇسىنامىز. بٷگٸندە ولار انىقتالدى, بارلىق قاجەتتٸ اقپارات الماتىنىڭ جوبالىق كەڭسەسٸنە جولداندى. بولجام بويىنشا قۇنى 41,8 ملرد تەڭگەنٸ قۇرايتىن بەس جاڭا مەكتەپ سالۋ مٷمكٸندٸگٸ قاراستىرىلۋدا. بۇل جوبالار جٷزەگە اسسا, بالالاردى تۇرعىلىقتى جەرٸ بويىنشا مەكتەپ ورىندارىمەن قامتاماسىز ەتۋگە جەنە الماتىعا كٷندەلٸكتٸ قاتىناۋدى ازايتۋعا مٷمكٸندٸك بەرەدٸ. بٷگٸندە وبلىستا تۇراتىن 16 مىڭعا جۋىق وقۋشى قالا مەكتەپتەرٸندە بٸلٸم الۋدا», - دەدٸ الماتى وبلىسىنىڭ ەكٸمٸ مارات سۇلتانعازيەۆ.
جوسپارعا سەيكەس, ەرقايسىسى 900 ورىندىق ەكٸ مەكتەپ الاتاۋ قالاسىنىڭ جاڭا دەۋٸر شاعىن اۋدانىندا جەنە ٸلە اۋدانىنداعى ەكپٸندٸ اۋىلىندا سالىنباقشى. قاراساي اۋدانىنداعى كٶكساي جەنە قىرعاۋىلدى اۋىلدارىندا ەرقايسىسى 1 200 ورىنعا ارنالعان تاعى ەكٸ مەكتەپ بوي كٶتەرەدٸ. تالعار اۋدانىنىڭ تۇزدىباستاۋ اۋىلىندا 900 ورىندىق بٸلٸم وشاعىن سالۋ جوسپارلانعان. وسىلايشا, بەس مەكتەپتٸڭ جالپى جوبالىق قۋاتى 5 100 وقۋشى ورنىن قۇرايدى.
سونىمەن قاتار قىركٷيەك ايىندا وبلىستا «كەلەشەك مەكتەپتەرٸ» جوباسى اياسىندا سالىنعان تاعى بەس جاڭا مەكتەپ وقۋشىلار ٷشٸن ەسٸگٸن ايقارا اشادى. ولار الاتاۋ قالاسىنىڭ قويانقۇس اۋىلىندا, ٸلە اۋدانىنىڭ تٸلەنديەۆ اۋىلىندا, قاراساي اۋدانىنىڭ بۇلاقتى اۋىلىندا, سونداي-اق ەڭبەكشٸقازاق اۋدانىنىڭ ساتاي جەنە اششىساي اۋىلدارىندا ورنالاسقان. وسىلايشا اتالعان ەلدٸ-مەكەندەردەگٸ ٷش اۋىسىمدى مەكتەپ مەسەلەسٸ تولىق شەشٸلٸپ, تاعى ەكٸ مەكتەپتەگٸ وقۋشى ورىندارىنىڭ تاپشىلىعى جويىلادى دەپ كٷتٸلۋدە.
ٶڭٸردەگٸ جوعارى دەموگرافييالىق ٶسٸم جاعدايىندا جاڭا نىسانداردىڭ قۇرىلىسى بٸلٸم بەرۋ جٷيەسٸندەگٸ ينفراقۇرىلىم تاپشىلىعىن ازايتۋ ٷشٸن اسا ماڭىزدى.
2026 - 2027 وقۋ جىلىندا الماتى وبلىسىنىڭ 502 جالپى بٸلٸم بەرەتٸن مەكتەبٸندە شامامەن 385 مىڭ بالا بٸلٸم الادى. ونىڭ 35 مىڭنان استامى بيىل العاش رەت مەكتەپ تابالدىرىعىن اتتايتىن بٸرٸنشٸ سىنىپ وقۋشىلارى.
«الماتى وبلىسى - دەموگرافييالىق ٶسٸمٸ جوعارى جەنە جاستاردىڭ ٷلەسٸ باسىم ٶڭٸرلەردٸڭ بٸرٸ. وسىعان بايلانىستى ينفراقۇرىلىم تاپشىلىعىن جويۋ مەسەلەسٸ باستى نازاردا. سوڭعى تٶرت جىلدا وبلىستا 75 جاڭا مەكتەپ اشىلىپ, التى قوسىمشا عيمارات پايدالانۋعا بەرٸلدٸ. نەتيجەسٸندە ٷش اۋىسىمدى مەكتەپتەردٸڭ سانى 52-دەن 23-كە دەيٸن قىسقاردى, شالعاي ەلدٸ مەكەندەردەن 5 821 وقۋشىنى تاسىمالداۋ مەسەلەسٸ شەشٸلدٸ», - دەدٸ وبلىس ەكٸمٸ.
جاڭا مەكتەپتەر سالۋمەن قاتار, قولدانىستاعى بٸلٸم بەرۋ نىساندارىنىڭ ينفراقۇرىلىمى دا جاڭارتىلۋدا. ٶڭٸردە كٷردەلٸ جٶندەۋدٸ قاجەت ەتەتٸن 91 بٸلٸم بەرۋ نىسانى انىقتالعان. بيىل وبلىستاعى 11 مەكتەپتە كٷردەلٸ جٶندەۋ جۇمىستارى جٷرگٸزٸلۋدە. ونىڭ 10-ى جاڭا وقۋ جىلىندا پايدالانۋعا بەرٸلەدٸ.
سونداي-اق حالىق تىعىز ورنالاسقان اۋىلداردا مەكتەپ سالۋ مەسەلەسٸ دە باستى نازاردا. 2026–2030 جىلدارى EPC+F مەحانيزمٸ ارقىلى ٸلە اۋدانىنداعى ٶتەگەن باتىر, جايناق, بايسەركە جەنە ا. توقپانوۆ اۋىلدارىندا, سونداي-اق ەڭبەكشٸقازاق اۋدانىنداعى بەيتەرەك اۋىلىندا جالپى سىيىمدىلىعى 4 200 ورىن بولاتىن بەس مەكتەپ سالۋ جوسپارلانۋدا.
بۇل جوبالار ٸسكە اسىرىلسا ٷش اۋىسىمدا وقىپ جٷرگەن جەتٸ مىڭنان استام وقۋشىنىڭ مەسەلەسٸ تولىق شەشٸلٸپ, شالعاي ەلدٸ مەكەندەردەن تاسىمالداناتىن تاعى 2 871 بالا ٶز اۋىلىندا بٸلٸم الاتىن بولادى.
