باقىتجان اقجاروۆ جەرگىلىكتى اتقارۋشى ورگاندار اۋدان تۇرعىندارىن ساپالى ينتەرنەتپەن قامتاماسىز ەتۋ ءۇشىن كوپتەگەن جۇمىستار اتقارىپ جاتقانىن اتاپ ءوتتى.
– NLS قازاقستان كومپانياسىمەن بىرگە نۇرشاشقان شاعىن اۋدانىنىڭ تۇرعىندارى جوعارى جىلدامدىقتاعى ينتەرنەتكە قوسىلۋدا. ءقازىردىڭ وزىندە 176 ابونەنت قوسىلدى، 36-سى كەزەكتە، – دەدى اۋدان اكىمى.
وسى ينتەرنەت-پروۆايدەر 2021 جىلدىڭ سوڭىنا دەيىن المەرەك جانە ماياك شاعىن اۋداندارىندا جوعارى جىلدامدىقتى ينتەرنەت جۇرگىزۋدى جوسپارلاپ وتىر. قازىرگى ۋاقىتتا توسەلەتىن وپتيكالىق ماگيسترالداردى سالۋ باعىتتارى ازىرلەنۋدە.
سونىمەن قاتار، «قازاقتەلەكوم» قىركۇيەكتە قايرات شاعىن اۋداندارىندا ينتەرنەتتى ىسكە قوسۋدى جوسپارلاپ وتىر، كوكتاۋ، تاراز، اقجامال، ارقار، جاياۋ مۇسا، سۇلۋشاش، كورىمدىك 11، 12، 13، 14، 15، 16، 17 كوشەلەرىندەگى 300-دەن استام ابونەنتتى قامتيدى.
ايتا كەتەرلىگى، 1200 ۇيدەن تۇراتىن قايرات شاعىن اۋدانىندا 300-گە جۋىق ابونەنت بۇرىن «قازاقتەلەكوم» اق ينتەرنەت جەلىسىنە، NLS Kazakhstan جەلىلەرىنە 15-تەن استام ابونەنت قوسىلعان.
تۇركسىب اۋدانىنىڭ اكىمى ب. اقجاروۆ وتكەن جىلى ونلاين وقىتۋعا وراي اكىمدىك بايلانىس وپەراتورلارىمەن بىرلەسە وتىرىپ، بازالىق ستانسيالاردى ورناتۋ بويىنشا كوپتەگەن جۇمىستار جۇرگىزگەنىن ايتتى. جالپى،اۋداندا قايرات، نۇرشاشقان، المەرەك شاعىن اۋداندارىندا قوسىمشا التى بازالىق ستانسيا ورناتىلدى.
