Baqytjan Aqjarov jergilikti atqarýshy organdar aýdan turǵyndaryn sapaly ınternetpen qamtamasyz etý úshin kóptegen jumystar atqaryp jatqanyn atap ótti.
– NLS Qazaqstan kompanıasymen birge Nurshashqan shaǵyn aýdanynyń turǵyndary joǵary jyldamdyqtaǵy ınternetke qosylýda. Qazirdiń ózinde 176 abonent qosyldy, 36-sy kezekte, – dedi aýdan ákimi.
Osy ınternet-provaıder 2021 jyldyń sońyna deıin Álmerek jáne Maıak shaǵyn aýdandarynda joǵary jyldamdyqty ınternet júrgizýdi josparlap otyr. Qazirgi ýaqytta tóseletin optıkalyq magıstraldardy salý baǵyttary ázirlenýde.
Sonymen qatar, «Qazaqtelekom» qyrkúıekte Qaırat shaǵyn aýdandarynda Internetti iske qosýdy josparlap otyr, Kóktaý, Taraz, Aqjamal, Arqar, Jaıaý Musa, Sulýshash, Kórimdik 11, 12, 13, 14, 15, 16, 17 kóshelerindegi 300-den astam abonentti qamtıdy.
Aıta keterligi, 1200 úıden turatyn Qaırat shaǵyn aýdanynda 300-ge jýyq abonent buryn «Qazaqtelekom» AQ ınternet jelisine, NLS Kazakhstan jelilerine 15-ten astam abonent qosylǵan.
Túrksib aýdanynyń ákimi B. Aqjarov ótken jyly onlaın oqytýǵa oraı ákimdik baılanys operatorlarymen birlese otyryp, bazalyq stansıalardy ornatý boıynsha kóptegen jumystar júrgizgenin aıtty. Jalpy,aýdanda Qaırat, Nurshashqan, Álmerek shaǵyn aýdandarynda qosymsha alty bazalyq stansıa ornatyldy.
