الماتى قالاسى اكىمىنىڭ جانىنداعى ىسكەرلىك كەڭەس بيزنەستىڭ ازاماتتىق باستامالاردى قولداۋ جانە ولاردى دامىتۋ ءۇشىن جاعداي جاساۋ باستاماسىن كوتەردى. كونكۋرس مەديسينا جانە دەنساۋلىق ساقتاۋ، قازاق ءتىلىن دامىتۋ جانە بايىتۋ، ءبىلىم بەرۋ، مادەنيەت، ينكليۋزيا، ازاماتتىق بەلسەندىلىك، ەكولوگيا جانە مەكەندەۋ ورتاسى سالالارىنداعى ۇزدىك الەۋمەتتىك جوبالاردى قولداۋعا باعىتتالعان. ۇزدىك جوبالاردى ىسكەرلىك كەڭەس وكىلدەرى مەن قالا مەسەناتتارى قارجىلاندىرادى.
– جوبالاردى ىرىكتەۋ كەزىندە ءبىز اتاۋلىلىق، انىقتىق جانە اشىقتىق ولشەمدەرىن ساقتايتىن بولامىز. سونداي-اق Impact، ياعني قامتۋ جانە ۋاقىت بويىنشا ىقپال ەتۋ اۋقىمى، Originality – تاسىلدەمەنىڭ بىرەگەيلىگى مەن جەتىلۋى، champion – قوعام ءۇشىن رولدىك مودەل، Change – قالا تۇرعىندارىنىڭ ءومىرىن جاقسارتۋعا ىقپال ەتۋ جانە Potential – كەڭەيتۋگە الەۋەتتىڭ بولۋى سياقتى قاعيداتتار بار، – دەپ حابارلادى ەلدار ءابدىرازاقوۆ.
قازىرگى كەزدە ىسكەرلىك كەڭەستىڭ قاراۋىندا 80-نەن استام جوبا بار. باستامالار بويىنشا سۇراۋلار مەن اقپاراتتى ەلەكتروندى پوشتاعا جىبەرۋگە بولادى: social@k50.kz
جەڭىمپازداردى ماراپاتتاۋ جانە چەكتەردى تاپسىرۋ 2021 جىلدىڭ 12 جەلتوقسانىندا وتەدى.
سونداي-اق ەلدار ءابدىرازاقوۆ Almaty Investment Forum 2021 وتكىزۋ تۋرالى جاريالادى. اۋقىمدى ءىس-شارا ىسكەرلىك كەڭەسپەن بىرگە ەكىنشى جىل قاتارىنان ءوتىپ كەلەدى. بيىل فورۋم 2 جەلتوقساندا ونلاين فورماتتا وتەدى.
