Almatynyń Iskerlik keńesi áleýmettik jobalarǵa 7 syilyq taǵaiyndady
Almaty qalasy ákiminiń janyndaǵy Iskerlik keńes biznestiń azamattyq bastamalardy qoldaý jáne olardy damytý úshin jaǵdai jasaý bastamasyn kóterdi. Konkýrs meditsina jáne densaýlyq saqtaý, qazaq tilin damytý jáne baiytý, bilim berý, mádeniet, inkliýziia, azamattyq belsendilik, ekologiia jáne mekendeý ortasy salalaryndaǵy úzdik áleýmettik jobalardy qoldaýǵa baǵyttalǵan. Úzdik jobalardy Iskerlik keńes ókilderi men qala metsenattary qarjylandyrady.
– Jobalardy irikteý kezinde biz ataýlylyq, anyqtyq jáne ashyqtyq ólshemderin saqtaityn bolamyz. Sondai-aq Impact, iaǵni qamtý jáne ýaqyt boiynsha yqpal etý aýqymy, Originality – tásildemeniń biregeiligi men jetilýi, champion – qoǵam úshin róldik model, Change – qala turǵyndarynyń ómirin jaqsartýǵa yqpal etý jáne Potential – keńeitýge áleýettiń bolýy siiaqty qaǵidattar bar, – dep habarlady Eldar Ábdirazaqov.
Qazirgi kezde Iskerlik keńestiń qaraýynda 80-nen astam joba bar. Bastamalar boiynsha suraýlar men aqparatty elektrondy poshtaǵa jiberýge bolady: social@k50.kz
Jeńimpazdardy marapattaý jáne chekterdi tapsyrý 2021 jyldyń 12 jeltoqsanynda ótedi.
Sondai-aq Eldar Ábdirazaqov Almaty Investment Forum 2021 ótkizý týraly jariialady. Aýqymdy is-shara Iskerlik keńespen birge ekinshi jyl qatarynan ótip keledi. Biyl forým 2 jeltoqsanda onlain formatta ótedi.
