«تازا قازاقستان» رەسپۋبليكالىق باعدارلاماسى جەنە «الماتى – بٸزدٸڭ ورتاق ٷيٸمٸز» قالالىق ناۋقانى اياسىندا قالالىق ورتانى جاقسارتۋعا جەنە قالدىقتاردى تۇراقتى ٶڭدەۋگە باعىتتالعان كەزەكتٸ جوبا ٸسكە قوسىلدى, دەپ حابارلايدى Dalanews.kz
توقىما قالدىقتارىن جيناۋ, سۇرىپتاۋ جەنە قايتا ٶڭدەۋگە باعىتتالعان FABRIKA جوباسى بٸر ايدىڭ ٸشٸندە العاشقى نەتيجە كٶرسەتتٸ. بٷگٸنگٸ تاڭدا قالادا 18 ارناۋلى كونتەينەر ورناتىلدى, جاقىندا تاعى 22 كونتەينەر ورناتۋ جوسپارلانعان. بولاشاقتا جوبانىڭ قامتۋ اۋقىمى الماتىنىڭ باسقا اۋداندارىنا دا كەڭەيتٸلەدٸ.
ٸسكە قوسىلعان سەتتەن باستاپ 20 000 كيلوگرامنان استام توقىما جينالدى, ول سۇرىپتالىپ, قالا اۋماعىندا قايتا ٶڭدەلەدٸ. بۇل ماتەريالداردان ٶنەركەسٸپتە قولدانىلاتىن قايتا ٶڭدەلگەن تالشىق پەن سٷرتۋ شٷبەرەكتەرٸ جاسالادى. سونىمەن قاتار, جينالعان كيٸمنٸڭ شامامەن 13%-ى قايىرىمدىلىق ۇيىمدارىنا بەرٸلەدٸ, سەبەبٸ ولار ەلٸ دە پايدالانۋعا جارامدى.
ەكولوگييالىق باعالاۋلار بويىنشا قازٸردٸڭ ٶزٸندە جينالعان كٶلەمدٸ قايتا ٶڭدەۋ 74 000 كيلوگرامنان استام CO₂ ەكۆيۆالەنتٸنٸڭ اۋاعا تارالۋىن بولدىرماۋعا مٷمكٸندٸك بەرەدٸ – بۇل مٶلشەردەگٸ كٶمٸرقىشقىل گازىن بٸر جىلدا 3 730-دان استام اعاش سٸڭٸرە الار ەدٸ.
قازاقستانداعى وسىنداي اۋقىمداعى العاشقى باستاما FABRIQA جوباسى الماتى قالاسىنىڭ ەكولوگييا جەنە قورشاعان ورتا باسقارماسىنىڭ قولداۋىمەن جٷزەگە اسىرىلعان. جوبا ەكولوگييالىق تۇراقتى شەشٸمدەردٸڭ تيٸمدٸ ەرٸ ەلەۋمەتتٸك ماڭىزى بار ەكەنٸن كٶرسەتٸپ وتىر. ماقساتى – اي سايىن 120 000 كيلوگرامعا دەيٸن توقىما قالدىقتارىن جيناپ, ولاردىڭ پوليگونعا تاستالۋىن ازايتۋ جەنە قالا تۇرعىندارىن سانالى تۇتىنۋ مەن قايتا ٶڭدەۋ مەدەنيەتٸنە تارتۋ.
