ەپيدەميولوگيالىق جاعدايدىڭ ناشارلاۋىنا بايلانىستى الماتىلىق وقۋشىلار 31 قاڭتارعا دەيىن، ستۋدەنتتەردى 6 اقپانعا دەيىن قاشىقتىقتان وقىتۋ فورماتىنا اۋىستىرىلادى، دەپ حابارلايدى Dalanews.kz. 

"وكىنىشكە قاراي، سانيتارلىق دارىگەرلەر وقۋشىلاردى قاشىقتىقتان وقىتۋعا اۋىستىرۋ تۋرالى شەشىم قابىلدادى.

ايتا كەتۋ كەرەك، الەمدە مەكتەپتەردى ءبىرىنشى بولىپ اشىپ، سوڭعىسى بولىپ جابۋ داستۇرگە اينالعان. ءبىز تولىققاندى ساپالى ءبىلىم بەرۋدى قامتاماسىز ەتۋ ماڭىزدى دەپ سانايمىز"،  – دەدى ق ر بعم باسپا ءسوز حاتشىسى ءمولدىر ابدۋالييەۆا

ق ر بعم وكىلى بالالار ءۇشىن دە، اتا-انالار ءۇشىن دە بارلىق تاۋەكەلدەر مەن سالدارلاردى جان-جاقتى تالداۋ جانە ەسەپكە الۋ نەگىزىندە وقىتۋ فورماتىن وزگەرتۋ تۋرالى شەشىم قابىلداۋ قاجەت ەكەنىن اتاپ ءوتتى.

بۇعان دەيىن ەلوردالىق وقۋشىلاردى "وميكرون-شتامم"سالدارىنان 31 قاڭتارعا دەيىن ونلاين وقىتۋعا اۋىستىراتىنى بەلگىلى بولدى.