الماتىداعى ەيگٸلٸ «جٸبەك جولى» بازارى سٷرٸلۋٸ مٷمكٸن. سەبەپ – نىساننىڭ «قىزىل سىزىقتا» ورنالاسۋى. الايدا بۇل شەشٸمگە ساۋداگەرلەر مەن كەسٸپكەرلەر ٷزٸلدٸ-كەسٸلدٸ قارسى. ايتۋلارىنشا, ەسكەرتۋ قاعازى نەبەرٸ ٷش كٷن بۇرىن عانا بەرٸلگەن. ەندٸ ولار بيلٸكتەن كەمٸ بٸر جىل مۇرسات سۇراپ وتىر, دەپ حابارلايدى Dalanews.kz.
بازاردا بٸرنەشە جىلدان بەرٸ اسحانا جۇمىسىن جٷرگٸزٸپ كەلگەن مارال جاقسىلىققىزى – جالعىزباستى انا. ول بۇل حاباردى اۋىر سوققى دەپ باعالاپ وتىر. ايتۋىنشا, بازاردا مىڭنان استام كەسٸپكەر بار.
"بٸر باسىمدا التى كرەديتٸم بار. ٷيٸم بانكتە كەپٸلدە تۇر. اسحانامدى تٶرت اي بۇرىن 3,5 ملن تەڭگەگە ساتىپ العان ەدٸم. جايدان-جاي كەتە المايمىز. ورىن تاۋىپ بەرسە, بوساتۋعا دايىنمىن. قازٸر جاستار جانارماي قۇيىپ الىپ, ٶزدەرٸن ٶرتەيمٸز دەپ جٷر", – دەيدٸ كەسٸپكەر كتك ارناسىنا بەرگەن سۇحباتىندا.
كٶلٸك بٶلشەكتەرٸن ساتۋمەن اينالىساتىندار دا داعدارىپ وتىر. كٶپشٸلٸگٸنە دٷڭگٸرشٸكتەردٸڭ سٷرٸلەتٸنٸ جٶنٸندە الدىن الا ەش ەسكەرتۋ جاسالماعان.
"بٸز زاڭ بۇزىپ جاتقان جوقپىز. جۇمىس ٸستەپ, بالا-شاعامىزدى اسىراپ وتىرمىز. ەندەشە, نەگە باستاپقىدا رۇقسات بەردٸ? ەندٸ كەلٸپ سٷرمەك. تالاپ – تيٸسپەسٸن, جۇمىس ٸستەۋگە مٷمكٸندٸك بەرسٸن", – دەيدٸ كەسٸپكەر ەبدٸرازاق كەنجەباەۆ.
"مەن بۇل جەردە 10 جىلدان بەرٸ اۆتوەلەكتريك بولىپ جۇمىس ٸستەپ كەلەمٸن. زاڭدى تٷردە جالعا الىپ, سالىق تٶلەپ وتىرمىز. بەرٸمٸزدە بانكتەن العان نەسيەمٸز بار. كەم دەگەندە كەلەسٸ جىلعا دەيٸن قالدىرۋىن سۇرايمىز", – دەيدٸ سەرٸحان ەرمانحانۇلى.
بازارعا جۋىردا عانا تاعايىندالعان جاڭا ديرەكتور ازامات قۇلماحانبەتتٸڭ ايتۋىنشا, بۇل اۋماقتاعى نىساندار تەحنيكالىق بايقاۋ ستانتسيياسىنىڭ اۋماعىندا ورنالاسقان جەنە زاڭداستىرىلماعان.
"كەيبٸر دٷڭگٸرشەكتەر «قىزىل سىزىقتا» تۇر. بٸزگە بازاردى تولىق مودەرنيزاتسييالاۋ تاپسىرىلدى. سول ٷشٸن جوبا دايىنداپ جاتىرمىز. زاڭ بويىنشا ەسكەرتٸپ جاتىرمىز. قازٸردٸڭ ٶزٸندە بٸراز كەسٸپكەر شىعارىلىپ ٷلگەردٸ", – دەيدٸ ول.
سوت شەشٸمٸ بىلتىر شىققان
سوت ورىنداۋشىلارىنىڭ مەلٸمەتٸنشە, بازاردى بۇزۋ تۋرالى شەشٸم 2023 جىلى 4 سەۋٸردە زاڭدى كٷشٸنە ەنگەن. سودان بەرٸ بٸرنەشە رەت ەسكەرتۋ بەرٸلگەن.
"ەكٸمشٸلٸككە بٸرٸنشٸ ەسكەرتۋ 26 مامىردا, ەكٸنشٸسٸ 14 شٸلدەدە جاسالدى. ەندٸ كەسٸپكەرلەرگە 11 تامىزعا دەيٸن ۋاقىت بەرٸلٸپ وتىر", – دەيدٸ سوت ورىنداۋشى ارنۇر باقبەرگەن.
ەكٸمدٸك ۋەجٸ مەن كەسٸپكەرلەردٸڭ تالاپتارى
ال قالا قۇرىلىسىن باقىلاۋ باسقارماسىنىڭ باسشىسى ەلٸبەك تۇلباسيەۆتٸڭ ايتۋىنشا, تەكسەرۋ كەزٸندە 30-عا جۋىق نىسان انىقتالىپ, ولاردا رۇقسات قۇجاتتارى مەن جوبالار بولماعان.
"ساراپتامادان ٶتپەگەن, رۇقسات قۇجاتتارى جوق نىساندار. سول ٷشٸن ەكٸمشٸلٸك شارالار قولدانىلدى", – دەيدٸ ول.
دەگەنمەن كەسٸپكەرلەر ەكٸمدٸك تالاپقا كەلٸسپەيدٸ. ولار كەم دەگەندە كەلەسٸ جىلعا دەيٸن جۇمىس ٸستەۋگە مٷمكٸندٸك بەرۋدٸ سۇراپ وتىر. ەيتپەسە, بۇل اۋماقتان كەتپەۋگە بەكٸنگەن.
