بٷگٸن الماتى ەكٸمٸ دارحان ساتىبالدى حالىقارالىق بٸلٸم بەرۋ كورپوراتسيياسىنىڭ (حببك) جاڭا ستۋدەنتتٸك جاتاقحاناسىن ارالادى. 339 ورىنعا ارنالعان بۇل نىسان كورپوراتسييانىڭ بٸلٸم بەرۋ ينفراقۇرىلىمىن دامىتۋعا باعىتتالعان اۋقىمدى باعدارلاماسىنىڭ بٸر بٶلٸگٸ, دەپ حابارلايدى Dalanews.kz
جاڭا عيماراتتىڭ باستى ەرەكشەلٸگٸ – جاتاقحانا كومفورت-كلاسس دەڭگەيٸندە سالىنعان. ەر بٶلمە جەكە اسٷيمەن, سانيتارلىق توراپپەن جەنە جۇمىس ايماعىمەن جابدىقتالعان, بۇل ستۋدەنتتەردٸڭ تۇرمىسىن بارىنشا ىڭعايلى ەتٸپ, اپارتامەنت ٷلگٸسٸنە جاقىنداتادى. عيماراتتا بٸرلەسٸپ وقۋ مەن جوبالىق جۇمىسقا ارنالعان كوۆوركينگ ايماقتارى قاراستىرىلعان. جاتاقحانا «اقىلدى كامپۋس» جٷيەسٸنە بٸرٸكتٸرٸلگەن, ول قاۋٸپسٸزدٸك پەن قولجەتٸمدٸلٸكتٸ ورتالىقتان باسقارۋعا مٷمكٸندٸك بەرەدٸ. جالپى اۋماعى – 3 822,4 شارشى مەتر, ينۆەستيتسييا كٶلەمٸ 15 ملرد تەڭگەدەن استى.
ساپار بارىسىندا الماتى ەكٸمٸ ەلٸمٸزگە ٶز ماماندارىن دايارلاۋ قاجەتتٸگٸن اتاپ ٶتتٸ.
«ماڭىزدىسى – تٷلەكتەردٸڭ ەڭبەك نارىعىندا بەسەكەگە قابٸلەتتٸ بولۋى. قازٸر بٸز جيٸ شەتەلدٸك ماماندارعا جٷگٸنەمٸز. قازاقستاندىق ماماندار جوقتىڭ قاسى. سوندىقتان ٶزٸمٸزدٸڭ كادرلاردى ٶسٸرٸپ, ولار قالا يگٸلٸگٸ ٷشٸن جوبالاردى جٷزەگە اسىرۋى قاجەت», – دەدٸ دارحان ساتىبالدى.
ستۋدەنتتەردٸڭ تەجٸريبەلٸك دايارلىعى ٷشٸن حببك بازاسىندا زاماناۋي زەرتتەۋ الاڭدارى جۇمىس ٸستەيدٸ. ولاردىڭ قاتارىندا Samsung جەنە JBL كومپانييالارىمەن بٸرلەسكەن جوبالار بار. بۇل بولاشاق ارحيتەكتورلارعا, ينجەنەر مەن ديزاينەرلەرگە ەلەمدٸك دەڭگەيدەگٸ قۇرال-جابدىقتا كۋرستىق جەنە ديپلومدىق جۇمىستار ورىنداۋعا مٷمكٸندٸك بەرەدٸ.
ۋنيۆەرسيتەت كامپۋسىندا FabLab (Fabrication Laboratory), قالالىق زەرتتەۋ زەرتحاناسى, سەيسميكالىق ەسەردٸ زەرتتەۋگە ارنالعان بٸرەگەي سەيسموپلاتفورما, درون زەرتحاناسى, قۇرىلىس گەوتەحنيكاسى زەرتحاناسى, سونداي-اق و.يۋ. پياك اتىنداعى جەلدەتۋ جەنە كونديتسيونەرلەۋ بويىنشا مامانداندىرىلعان زەرتحانا جۇمىس ٸستەيدٸ.
ايتا كەتەيٸك, 2007 جىلى قۇرىلعان حالىقارالىق بٸلٸم بەرۋ كورپوراتسيياسىنىڭ (حببك) قۇرامىنا قازاق باس سەۋلەت-قۇرىلىس اكادەميياسى (قازبسقا) جەنە قازاق-امەريكا ۋنيۆەرسيتەتٸ (قاۋ) كٸرەدٸ. بٷگٸندە كورپوراتسييادا 16 مىڭنان استام ستۋدەنت وقىپ جاتىر. حببك حالىقارالىق باعدارلامالاردى دامىتىپ, ەلەمنٸڭ جەتەكشٸ ۋنيۆەرسيتەتتەرٸمەن تىعىز ەرٸپتەستٸك ورناتىپ كەلەدٸ.
