الماتىدا 18-19 تامىز كٷندەرٸ تٷركٸ مەملەكەتتەرٸ ۇيىمىنىڭ (تمۇ) IV حالىقارالىق جاستار فەستيۆالٸ ٶتٸپ جاتىر,- دەپ حابارلايدى Dalanews.kz
ٸس-شاراعا تٷركٸ مەملەكەتتەرٸ ۇيىمىنا مٷشە ەلدەر – قازاقستان, ەزەربايجان, قىرعىزستان, تٷركييا جەنە ٶزبەكستاننان دەلەگاتتار قاتىسۋدا. فەستيۆال اياسىندا جاستار ساياساتى, كەسٸپكەرلٸك, ازاماتتىق بەلسەندٸلٸك جەنە ەلەۋمەتتٸك باستامالاردى دامىتۋ باعىتتارىندا سەمينالار ۇيىمداستىرىلىپ, جاس كٶشباسشىلار مەن كەسٸپكەرلەر باس قوسادى.
جيىننىڭ رەسمي اشىلۋى بارىسىندا الماتى قالاسىنا «2025 جىلعى تٷركٸ ەلەمٸنٸڭ جاستار استاناسى» مەرتەبەسٸ بەرٸلدٸ. سالتاناتتى شاراعا مەملەكەت باسشىسى قاسىم-جومارت توقاەۆ ارنايى قۇتتىقتاۋ حاتىن جولدادى. ونى قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا وقىپ بەردٸ.
«الماتى – ازاتتىعىمىزدىڭ التىن بەسٸگٸ, جاسامپاز جاستاردىڭ قۇتتى مەكەنٸ. ٶركەنيەتٸمٸزدٸڭ ٶرٸسٸن كەڭەيتۋگە ٶلشەۋسٸز ٷلەس قوسقان كٶپتەگەن ۇلى تۇلعالارىمىز وسى قالادا ٶسٸپ-ٶنگەن. شىن مەنٸندە, تٶل مەدەنيەتٸمٸزدٸڭ تەمٸرقازىعىنا اينالعان شەجٸرەلٸ شاھار قازاق ەلٸنٸڭ عانا ەمەس, تٷركٸ مەملەكەتتەرٸنٸڭ دە رۋحاني ورداسى سانالادى.
بٷگٸن اسقارالى الاتاۋدىڭ باۋرايىندا تٷبٸ بٸر تٷركٸ جۇرتىنىڭ بٸلٸمپاز, دارىندى ەرٸ بەلسەندٸ جاستارى باس قوسىپ وتىر. ٸرگەلٸ ٸس-شارا اياسىندا جاڭا دوستار تاۋىپ, تىڭ يدەيالار مەن جوبالاردى جٷزەگە اسىراسىزدار دەپ سەنەمٸن. ٶرەندەرٸمٸزدٸڭ بٸرلٸگٸ بەكەم بولسا, تٷركٸ ەلەمٸنٸڭ تۇعىرى مىعىم, بولاشاعى جارقىن بولارى سٶزسٸز», – دەلٸنگەن مەملەكەت باسشىسىنىڭ قۇتتىقتاۋىندا.
سونداي-اق 2024 جىلعى جاستار استاناسى - لەنكوران قالاسى, ەزەربايجان ەلٸنٸڭ ٶكٸلدەرٸ جاستار استاناسى كٸلتٸن الماتى جاستارىنا تابىستاپ, باۋىرلاستىق ەستافەتاسىن جالعادى.
