الماتى قالاسىنىڭ اۋماعىندا ەكى ەكسترەميستىك ۇيىمدار بەيتاراپتاندىرىلدى، ولاردىڭ مۇشەلەرى 2022 جىلعى 4-8 قاڭتار ارالىعىندا جاپپاي تارتىپسىزدىكتەرگە بەلسەندى قاتىستى.
بۇگىن ارنايى قىزمەتتەر شەتەلدىك ەكسترەميستىك ورتالىقتاردا وقىتۋدان وتكەن ۇياشىقتاردىڭ ءبىرىنىڭ 4 مۇشەسىن ۇستادى. ۇستالعاندار قۇقىققا قارسى جاپپاي اكسيالار جاسادى، تىيىم سالىنعان ەكسترەميستىك ۇيىمعا باسشىلىق جاسادى جانە وعان قاتىستى بولدى جانە ەكسترەميستىك ارەكەتكە ازعىرىلدى دەپ كۇدىكتەنەدى.
ءتىنتۋ كەزىندە ولاردىڭ تۇراتىن جەرلەرىنەن اتىس قارۋى، تراۆماتيكالىق جانە جارىق-شۋ گراناتالارى، پاتروندار، ءدىني ادەبيەتتەر جانە وزگە دە زاتتاي دالەلدەمەلەر تابىلىپ، تاركىلەندى.
باسقا توپتىڭ جەتەكشىسى، شەتەلدىك ازامات جاپپاي تارتىپسىزدىكتەرگە بەلسەندى قاتىسىپ، شەتەلدىك تەرروريستىك توپتارمەن بايلانىستا بولدى.
تەرگەۋ نۇسقاسى بويىنشا، ول بيلىك ورگاندارى مەن كۇشتىك قۇرىلىمدارعا جاپپاي زاڭسىز اكسيالار مەن شابۋىلداردى دايىنداۋ ءۇشىن قازاقستانعا ماقساتتى تۇردە كەلدى. ونىڭ سىبايلاستارىن ىزدەستىرۋ ۇيىمداستىرىلدى.
وزگە اقپارات تەرگەۋ تالابىنا قاتىستى جاريا ەتۋگە جاتپايدى. جەدەل جانە تەرگەۋ شارالارى جالعاسۋدا.
سونىمەن قاتار، كەيبىر ب ا ق پەن الەۋمەتتىك جەلىلەردە الماتى قالاسى بويىنشا ۇقكد-دان قارۋدى، وق-دارىلەردى جانە وزگە دە مۇلىكتى ۇرلاۋ تۋرالى اقپارات شىندىققا جاناسپايدى.
دەپارتامەنت تەرروريستىك ءقاۋىپتىڭ «قىزىل» دەڭگەيىنىڭ تالاپتارىنا سايكەس كۇشەيتىلگەن رەجيمدە جۇمىس ىستەۋدە.
الماتى قالاسى بويىنشا ۇقكد تەرروريزمگە قارسى كۇرەس جونىندەگى الماتى قالالىق جەدەل شتابى
