Almatyda tártipsizdikter men terrorizm aktilerine qatysýshylardy izdestirý jumystary jalǵasýda
Almaty qalasynyń aýmaǵynda eki ekstremistik uiymdar beitaraptandyryldy, olardyń músheleri 2022 jylǵy 4-8 qańtar aralyǵynda jappai tártipsizdikterge belsendi qatysty.
Búgin arnaiy qyzmetter sheteldik ekstremistik ortalyqtarda oqytýdan ótken uiashyqtardyń biriniń 4 múshesin ustady. Ustalǵandar quqyqqa qarsy jappai aktsiialar jasady, tyiym salynǵan ekstremistik uiymǵa basshylyq jasady jáne oǵan qatysty boldy jáne ekstremistik áreketke azǵyryldy dep kúdiktenedi.
Tintý kezinde olardyń turatyn jerlerinen atys qarýy, travmatikalyq jáne jaryq-shý granatalary, patrondar, dini ádebietter jáne ózge de zattai dáleldemeler tabylyp, tárkilendi.
Basqa toptyń jetekshisi, sheteldik azamat jappai tártipsizdikterge belsendi qatysyp, sheteldik terroristik toptarmen bailanysta boldy.
Tergeý nusqasy boiynsha, ol bilik organdary men kúshtik qurylymdarǵa jappai zańsyz aktsiialar men shabýyldardy daiyndaý úshin Qazaqstanǵa maqsatty túrde keldi. Onyń sybailastaryn izdestirý uiymdastyryldy.
Ózge aqparat tergeý talabyna qatysty jariia etýge jatpaidy. Jedel jáne tergeý sharalary jalǵasýda.
Sonymen qatar, keibir BAQ pen áleýmettik jelilerde Almaty qalasy boiynsha UQKD-dan qarýdy, oq-dárilerdi jáne ózge de múlikti urlaý týraly aqparat shyndyqqa janaspaidy.
Departament terroristik qaýiptiń «qyzyl» deńgeiiniń talaptaryna sáikes kúsheitilgen rejimde jumys isteýde.
Almaty qalasy boiynsha UQKD terrorizmge qarsy kúres jónindegi Almaty qalalyq jedel shtaby
