بۇگىن الماتى قالاسىندا «قازاقستانداعى فەمينيستىك مارشقا قارسىمىن!» دەگەن ۇرانمەن جىبەك امەنوۆا مەن باعيلا بالتابايەۆا اباي اتىنداعى وپەرا جانە بالەت تەاترىنىڭ الدى مەن پانفيلوۆ كوشەسiنiڭ بويىنا جالعىز ادامدىق پيكەتكە شىقتى، – دەپ حابارلايدى Dalanews.kz
قوعام بەلسەندىلەرى قولدارىنا لگبت مەن فەمينيستىك ۇيىمدارعا قارسىلىعىن بىلدىرەتىن پلاكات ۇستاپ، جىلدا ناۋرىز ايىندا وتەتىن فەمينيستىك مارشتى بولدىرماۋعا بارىنشا كۇش سالاتىندارىن اشىپ ايتتى.
– مۇنداي ۇيىمدار ايەلدىڭ قۇقىعىن قورعايمىز دەگەن جاسىرىن ويمەن لگبت ۇيىمدارىن ناسيحاتتاۋدا. ايەل ادامداردىڭ قۇقىعىن ەلىمىزدە ەشكىم شەكتەپ جاتقان جوق. كونستيتۋسيامىزدا دا بارلىق ادامنىڭ قۇقىعى تەڭ. ولار سوندا ءبىزدىڭ قۇقىعىمىزدى كىمنەن قورعاماقشى؟ باتىستىڭ جامان مادەنيەتىن جاستارىمىزدىڭ ميىنا ءسىڭىرىپ تاستاماقشى.
قوعام ءۇشىن، كەلەشەك ۇرپاق ءۇشىن مۇنداي ۇيىمداردى توقتاتۋ ءبىزدىڭ مىندەتىمىز. اتا-بابامىز قورعاعان جەردى ەرتەڭ كىمگە قالدىرامىز. ءبىر جىنىستى بولىپ كەتكەن جاستارعا ما؟ سوندىقتان، بۇل قاۋىپكە نۇكتە قوياتىن كەز كەلدى. ءبىزدى ەشكىم شەتتەتپەيدى. ءبىزدىڭ بارلىق جەردە ەر ادامدارمەن قۇقىعىمىز تەڭ، ونى ەشكىم جوققا شىعارا المايدى. ايەل ادامدار ومىرىنە ەشقانداي ءقاۋىپ جوق، – دەدى جىبەك امەنوۆا.
فەمينيستىك ۇيىمدارعا قارسى 4 جىلدان بەرى جۇمىس جاساپ جۇرگەن باعيلا بالتابايەۆا مەكتەپ جاسىنداعى قىزداردىڭ بولاشاعىنا الاڭداۋلى ەكەنىن العا تارتتى.
– بولاشاعىمىز جاستاردىڭ قولىندا ەكەنى انىق. ال، مۇنداي ۇيىمدارمەن ۇلت بولىپ كۇرەسۋىمىز كەرەك. كورشىلەس مەملەكەتتەردە بولعان وقيعالاردان ساباق العان ءجون. |ولار ايەلدەر مەن بالالاردىڭ قۇقىعىن قورعايمىز دەپ جاسىرىنباسىن. مەن انامىن بالالارىم ءۇشىن ۋايىمدايمىن. لگبت ءسوزىنىڭ ماعىناسىن اعا بۋىن بىلمەيدى. كوز جۇمىپ قويا بەرەدى. ولاي جاساۋعا بولمايدى. ەلىمىزدى ءقاۋىپتى ۇيىمداردان قورعاپ قالۋىمىز كەرەك.
ءبىز قازاقستان اتا-انالارى ەلىمىزدەگى لگبت ۇيىمدارىنىڭ اشىق جانە جاسىرىن تۇردەگى ۇگىت-ناسيحاتتارىنا قارسىمىز! سونداي-اق، لگبت-نى ناسيحاتتاپ جۇرگەن فەمينيستەردىڭ ۇيىمداستىرۋىمەن ءوتىپ جۇرگەن مارشتار مەن شەرۋلەرىنە تۇبەگەيلى قارسىمىز! – دەدى باعيلا بالتابايەۆا.
بۇنداي جالعىز ادامدىق پيكەتكە شىعۋ سەبەبىن تۇسىندىرە كەتتى. ول ەلدەگى ازعىن دۇنيەلەردىڭ ورشۋىمەن، الماتى قالاسىندا باستاۋ العان فەمينيستتىك ۇيىمداردىڭ ايەل قۇقىعى، بالا قۇقىعى، زورلىق-زومبىلىق دەپ شەرۋگە، مارشقا، ميتينگكە شىعىپ جۇرگەن ۇيىمداردىڭ قاۋىپىمەن بايلانىستىرىپ وتىر.
