قازاقستاندا جۋسان توزاڭىنا اللەرگييانى ەمدەۋگە ارنالعان وتاندىق پرەپاراتتىڭ كلينيكالىق زەرتتەۋٸنٸڭ ەكٸنشٸ كەزەڭٸ باستالدى, دەپ حابارلايدى dalanews.kz.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, جوبا 2024–2026 جىلدارعا ارنالعان عىلىمي تەحنيكالىق باعدارلاما اياسىندا جٷزەگە اسىرىلىپ جاتىر.
«قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸ ەلٸمٸزدە ماۋسىمدىق اللەرگييانىڭ ەڭ كەڭ تارالعان سەبەپتەرٸنٸڭ بٸرٸ سانالاتىن جۋسان توزاڭىنا اللەرگييانى ەمدەۋگە ارنالعان وتاندىق پرەپاراتتىڭ II فازاداعى كلينيكالىق زەرتتەۋٸن باستادى. جوبانىڭ باستى ماقساتى — اللەرگييانى ەمدەۋدٸ پاتسيەنتتەر ٷشٸن قولجەتٸمدٸ ەرٸ ىڭعايلى ەتەتٸن قازاقستاندىق پرەپارات ەزٸرلەۋ», – دەلٸنگەن حابارلامادا.
مامانداردىڭ ايتۋىنشا, جۋسان توزاڭىنا اللەرگييا قازاقستانداعى ەڭ جيٸ كەزدەسەتٸن ماۋسىمدىق اللەرگييالىق رەاكتسييالاردىڭ قاتارىنا جاتادى.
ەسٸرەسە جاز جەنە كٷز مەزگٸلدەرٸندە:
— مۇرىننان سۋ اعۋ,
— تٷشكٸرۋ,
— كٶزدەن جاس اعۋ,
— تىنىس الۋدىڭ قيىنداۋى سيياقتى بەلگٸلەر كٷشەيەدٸ.
مينيسترلٸك جاڭا پرەپاراتتى قازاقستاندىق عالىمدار زاماناۋي رەكومبينانتتى اللەرگەن نەگٸزٸندە ەزٸرلەگەنٸن مەلٸمدەدٸ.
پرەپارات OtarBioPharm وتاندىق كەسٸپورنىندا حالىقارالىق GMP ستاندارتتارىنا سەيكەس ٶندٸرٸلٸپ جاتىر.
«ەزٸرلەمەنٸڭ باستى ارتىقشىلىقتارىنىڭ بٸرٸ — ەمدەۋ كۋرسىنىڭ قىسقالىعى. دەستٷرلٸ اللەرگەن سپەتسيفيكالىق تەراپييا ۇزاق ۋاقىتقا سوزىلۋى مٷمكٸن بولسا, جاڭا پرەپارات اپتاسىنا بٸر رەت جاسالاتىن تٶرت تەرٸاستى ينەكتسيياسىنان عانا تۇرادى», – دەپ حابارلادى ۆەدومستۆو.
بۇعان دەيٸن ەرٸكتٸلەردٸڭ قاتىسۋىمەن كلينيكالىق زەرتتەۋدٸڭ بٸرٸنشٸ كەزەڭٸ سەتتٸ اياقتالعان.
زەرتتەۋشٸلەردٸڭ مەلٸمەتٸنشە, سىناق بارىسىندا اۋىر جاناما ەسەرلەر انىقتالماعان, ال الدىن الا نەتيجەلەر اللەرگەنگە سەزٸمتالدىقتىڭ تٶمەندەگەنٸن كٶرسەتكەن.
2026 جىلعى 24 سەۋٸردە دەنساۋلىق ساقتاۋ مينيسترلٸگٸ زەرتتەۋدٸڭ ەكٸنشٸ كەزەڭٸن ٶتكٸزۋگە رەسمي رۇقسات بەرگەن.
كلينيكالىق سىناق «راحات» مەديتسينالىق ورتالىعى بازاسىندا جٷرگٸزٸلەدٸ. وعان جۋسان توزاڭىنا اللەرگيياسى راستالعان 138 پاتسيەنت قاتىسادى.
