قازاقستاننىڭ ەكس-پرەزيدەنتٸ نۇرسۇلتان نازارباەۆ 2021 جىلى وليۆەر ستوۋننىڭ سەگٸز ساعاتتىق دەرەكتٸ فيلمٸندە راحات ەليەۆكە قاتىستى قويىلعان سۇراققا جاۋاپ بەرگەن ەدٸ, دەپ حابارلايدى dalanews.kz.
"بۇل – مەنٸڭ ٷلكەن قاتەلٸگٸم. ول قارجى پوليتسيياسىنىڭ باسىنا كەلدٸ. سول قىزمەتٸن پايدالانىپ, بيزنەستٸ قىسپاققا الدى, تارتىپ الدى, اقشالارىن جينادى. بٸر سەتتە مەن وعان: "توقتا", – دەپ ەسكەرتتٸم. ەلەستەتٸپ كٶرٸڭٸزشٸ, ول مەنٸڭ كٷيەۋ بالام. ٷش نەمەرەم كٸشكەنتاي ەدٸ. قىزىم ٷش بالاسىمەن جەنە ونىڭ ەكەسٸمەن بٸرگە كەلدٸ… ال مەن: "مەن نە ٸستەي الامىن? ول – قىلمىسكەر", – دەدٸم", – دەدٸ نازارباەۆ.
وسىدان كەيٸن وليۆەر ستوۋن بۇل جاعداي نازارباەۆ ٷشٸن ٶتە اۋىر بولعان شىعار دەپ بولجادى.
"ٶتە اۋىر بولدى. ەگەر باسقا بٸرەۋ بولسا بٸر بٶلەك… ال مۇندا ٶز ادامىڭ, سەنٸم ارتۋعا تيٸس ادام…" – دەپ جاۋاپ بەردٸ ەكس-پرەزيدەنت.
2015 جىلى نۇرسۇلتان نازارباەۆ راحات ەليەۆ ٸسٸنە قاتىستى تۋىستارىنىڭ رەاكتسيياسى تۋرالى دا ايتقان ەدٸ.
"نەگە ادامدار مەنٸڭ ٷش نەمەرەمنٸڭ ەكەسٸن جاۋاپقا تارتقانىمدى ۇمىتىپ كەتتٸ? ولار اناسىنىڭ قاسىندا ماعان جىلاپ كەلمەدٸ دەپ ويلايسىزدار ما? كەلدٸ. مەن قينالمادى دەپ ويلايسىزدار ما? ەرينە, قينالدىم. بٸراق جاعدايدىڭ انىق ەكەنٸن, شەكتەن شىققانىن كٶرگەن كەزدە توقتاعان جوقپىن. تۋىستار جينالىپ, بەرٸ: "بەرٸ ٶز قولىڭدا عوي, جاۋىپ تاستاۋ قيىن ەمەس قوي", – دەپ ٷگٸتتەدٸ. مەن بارلىق تۋىستارىما, بالالارىما, دوستارىما ەسكەرتەمٸن: بۇل جەردە قول سۇعىلمايتىن ادام بولمايدى", – دەگەن ەدٸ نازارباەۆ.
