Qazaqstannyń eks-prezidenti Nursultan Nazarbaev 2021 jyly Oliver Stoýnnyń segiz saǵattyq derekti filminde Rahat Álievke qatysty qoiylǵan suraqqa jaýap bergen edi, dep habarlaidy dalanews.kz.
"Bul – meniń úlken qateligim. Ol qarjy politsiiasynyń basyna keldi. Sol qyzmetin paidalanyp, biznesti qyspaqqa aldy, tartyp aldy, aqshalaryn jinady. Bir sátte men oǵan: "Toqta", – dep eskerttim. Elestetip kórińizshi, ol meniń kúieý balam. Úsh nemerem kishkentai edi. Qyzym úsh balasymen jáne onyń ákesimen birge keldi… Al men: "Men ne istei alamyn? Ol – qylmysker", – dedim", – dedi Nazarbaev.
Osydan keiin Oliver Stoýn bul jaǵdai Nazarbaev úshin óte aýyr bolǵan shyǵar dep boljady.
"Óte aýyr boldy. Eger basqa bireý bolsa bir bólek… Al munda óz adamyń, senim artýǵa tiis adam…" – dep jaýap berdi eks-prezident.
2015 jyly Nursultan Nazarbaev Rahat Áliev isine qatysty týystarynyń reaktsiiasy týraly da aitqan edi.
"Nege adamdar meniń úsh nemeremniń ákesin jaýapqa tartqanymdy umytyp ketti? Olar anasynyń qasynda maǵan jylap kelmedi dep oilaisyzdar ma? Keldi. Men qinalmady dep oilaisyzdar ma? Árine, qinaldym. Biraq jaǵdaidyń anyq ekenin, shekten shyqqanyn kórgen kezde toqtaǵan joqpyn. Týystar jinalyp, bári: "Bári óz qolyńda ǵoi, jaýyp tastaý qiyn emes qoi", – dep úgittedi. Men barlyq týystaryma, balalaryma, dostaryma eskertemin: bul jerde qol suǵylmaityn adam bolmaidy", – degen edi Nazarbaev.
