بٷگٸن وبلىس ەكٸمٸ مۇرات ەرگەشباەۆتىڭ, قر پارلامەنتٸ سەناتى مەن مەجٸلٸسٸنٸڭ دەپۋتاتتارى رۋسلان رٷستەموۆ, مۇرات ەبەنوۆ, مارحابات جايىمبەتوۆتٸڭ, مەسليحات دەپۋتاتتارى, زييالى قاۋىم ٶكٸلدەرٸ, ەل اعالارىنىڭ قاتىسۋىمەن سول جاعالاۋداعى 10 تۇرعىن ٷي كەشەنٸنٸڭ 600 پەتەرٸن يەلەرٸنە تابىستاۋ رەسٸمٸ ٶتتٸ, دەپ حابارلايدى dalanews.kz.
قىزىلوردا قالاسىنداعى سىردارييا ٶزەنٸنٸڭ سول جاعالاۋى – كەيٸنگٸ جىلدارى ەرەكشە قارقىنمەن دامىعان اۋماق. مۇندا ەلەۋمەتتٸك نىساندار مەن تۇرعىن ٷي سانى جىل ٶتكەن سايىن ارتىپ كەلەدٸ. وسى اۋماقتا زاماناۋي ۋربانيستيكالىق شەشٸمدەر نەگٸزٸندە جايلى ەرٸ قولايلى ينفراقۇرىلىم قالىپتاسىپ ٷلگەردٸ.
بٷگٸندە سول جاعالاۋدا 169 نىسان بار, 136 كٶپقاباتتى تۇرعىن ٷي پايدالانۋعا بەرٸلٸپ, مىڭداعان وتباسى باسپانالى بولدى. حالىققا قولايلى ورتا قالىپتاستىرۋ ماقساتىندا 20 ەلەۋمەتتٸك جەنە 13 بيزنەس نىسانى جۇمىس ٸستەيدٸ.
قازٸرگٸ ۋاقىتتا مۇندا 47 قۇرىلىس سالىنىپ جاتىر. ونىڭ 25-ٸ –كٶپقاباتتى تۇرعىن ٷي, 20-سى –كەسٸپكەرلٸك نىسان, بٸر اۋرۋحانا جەنە بٸر ەمحانا. تۇرعىنداردىڭ قاۋٸپسٸز جول قوزعالىسىن ۇيىمداستىرۋ ماقساتىندا يسا توقتىباەۆ كٶشەسٸنەن سول جاعالاۋعا ٶتەتٸن تٶرت جولاقتى جاڭا اۆتوموبيل كٶپٸرٸن سالۋ جوسپارلانعان.
جاڭا شاعىن اۋدان تۇرعىندارىنىڭ سانى 25 مىڭنان استى, مەكتەپ, بالاباقشا, ساۋدا ورىندارى حالىق سۇرانىسىنا ساي قىزمەت كٶرسەتەدٸ. قوعامدىق كٶلٸك ٷزدٸكسٸز قاتىنايدى. بٷگٸن كٸلتٸ تاپسىرىلعان جاڭا ٷيلەردٸڭ تۇرعىندارى دا سول جاعالاۋلىقتار قاتارىن تولىقتىردى.
سالتاناتتى رەسٸمدە سٶز سٶيلەگەن ايماق باسشىسى كەيٸنگٸ جىلدارداعى حالىقتىڭ تۇرمىس ساپاسىن ارتتىرۋعا باعىتتالعان اۋقىمدى جوبالاردى اتاپ ٶتتٸ.
«مەملەكەت باسشىسى قاسىم-جومارت كەمەلۇلى «قولجەتٸمدٸ باسپانا – ارمان ەمەس, بٸزدٸڭ ازاماتتارىمىزدىڭ الدىنداعى مٸندەتٸمٸز» دەگەن بولاتىن. بٷگٸن تۇرعىن ٷي كەزەگٸندە تۇرعان جەرلەستەرٸمٸزگە جالپى اۋماعى 33 مىڭ شارشى مەتردەن اساتىن 600 پەتەردٸڭ كٸلتٸن تابىستاپ وتىرمىز. تۇرعىن ٷي كەشەنٸنٸڭ اۋماعىندا ەكٸ فۋتبول, تٶرت سپورت جەنە ويىن الاڭى, تىنىعۋ ايماعى, 250 ورىندىق اۆتوتۇراق جەنە ٷش كوممەرتسييالىق نىسان ورنالاسقان. الداعى ۋاقىتتا دا شاھار كەلبەتٸنە سەن بەرەتٸن زاماناۋي تۇرعىن ٷيلەر بوي كٶتەرەدٸ. مەنشٸكتٸ باسپانا – تۇراقتىلىق پەن ەرتەڭگٸ كٷنگە دەگەن سەنٸمنٸڭ كەپٸلٸ. جاڭا قونىستارىڭىز قۇتتى بولسىن! ەر شاڭىراققا باق-بەرەكە, ىرىس پەن ىنتىماق تٸلەيمٸن», – دەدٸ مۇرات ەرگەشباەۆ.
وبلىس ەكٸمٸ بۇل جوبالاردىڭ ايماقتاعى قۇرىلىس سالاسىنىڭ ەلەۋەتٸنە, قۇرىلىسشىلاردىڭ كەسٸبي دەڭگەيٸنە وڭ ىقپال ەتكەنٸن جەتكٸزدٸ.
قىزىلورداداعى تۇرعىن ٷي قۇرىلىسىنىڭ قارقىنىن ٶڭٸردٸڭ ەلەۋمەتتٸك-ەكونوميكالىق دامۋ كٶرسەتكٸشتەرٸنەن دە, اي سايىنعى وسىنداي رەسٸمدەر مەن قونىستويلاردان دا بايقاۋعا بولادى. بۇل تۇرعىنداردى باسپانامەن قامتۋ جۇمىستارىنىڭ بٸر جٷيەگە تٷسكەنٸن كٶرسەتەدٸ. بيىلدىڭ ٶزٸندە تۇرعىن ٷي كەزەگٸندەگٸ ازاماتتارعا 2400 پەتەر تابىستاۋ ٷشٸن بيۋدجەتتەن 55 ملرد تەڭگەدەن استام قارجى قاراستىرىلعان.
جيىندا پارلامەنت مەجٸلٸسٸنٸڭ دەپۋتاتى مارحابات جايىمبەتۇلى سٶز سٶيلەپ, ەل اعاسى يمامادين زەكٸرۇلى باتاسىن بەردٸ. تۇرعىن ٷيدٸ ساپالى ەتٸپ سالعان قۇرىلىسشىلار وبلىس ەكٸمٸنٸڭ العىس حاتىمەن ماراپاتتالدى.
