Búgin Almaty qalasynda «Qazaqstandaǵy feministik marshqa qarsymyn!» degen uranmen Jibek Ámenova men Baǵila Baltabaeva Abai atyndaǵy opera jáne balet teatrynyń aldy men Panfilov kɵshesiniń boiyna jalǵyz adamdyq piketke shyqty, – dep habarlaidy Dalanews.kz
Qoǵam belsendileri qoldaryna LGBT men feministik uiymdarǵa qarsylyǵyn bildiretin plakat ustap, jylda naýryz aiynda ótetin feministik marshty boldyrmaýǵa barynsha kúsh salatyndaryn ashyp aitty.
– Mundai uiymdar áieldiń quqyǵyn qorǵaimyz degen jasyryn oimen LGBT uiymdaryn nasihattaýda. Áiel adamdardyń quqyǵyn elimizde eshkim shektep jatqan joq. Konstitýtsiiamyzda da barlyq adamnyń quqyǵy teń. Olar sonda bizdiń quqyǵymyzdy kimnen qorǵamaqshy? Batystyń jaman mádenietin jastarymyzdyń miyna sińirip tastamaqshy.
Qoǵam úshin, keleshek urpaq úshin mundai uiymdardy toqtatý bizdiń mindetimiz. Ata-babamyz qorǵaǵan jerdi erteń kimge qaldyramyz. Bir jynysty bolyp ketken jastarǵa ma? Sondyqtan, bul qaýipke núkte qoiatyn kez keldi. Bizdi eshkim shettetpeidi. Bizdiń barlyq jerde er adamdarmen quqyǵymyz teń, ony eshkim joqqa shyǵara almaidy. Áiel adamdar ómirine eshqandai qaýip joq, – dedi Jibek Ámenova.
Feministik uiymdarǵa qarsy 4 jyldan beri jumys jasap júrgen Baǵila Baltabaeva mektep jasyndaǵy qyzdardyń bolashaǵyna alańdaýly ekenin alǵa tartty.
– Bolashaǵymyz jastardyń qolynda ekeni anyq. Al, mundai uiymdarmen ult bolyp kúresýimiz kerek. Kórshiles memleketterde bolǵan oqiǵalardan sabaq alǵan jón. |Olar áielder men balalardyń quqyǵyn qorǵaimyz dep jasyrynbasyn. Men anamyn balalarym úshin ýaiymdaimyn. LGBT sóziniń maǵynasyn aǵa býyn bilmeidi. Kóz jumyp qoia beredi. Olai jasaýǵa bolmaidy. Elimizdi qaýipti uiymdardan qorǵap qalýymyz kerek.
Biz Qazaqstan Ata-analary elimizdegi LGBT uiymdarynyń ashyq jáne jasyryn túrdegi úgit-nasihattaryna qarsymyz! Sondai-aq, LGBT-ny nasihattap júrgen feministerdiń uiymdastyrýymen ótip júrgen marshtar men sherýlerine túbegeili qarsymyz! – dedi Baǵila Baltabaeva.
Bundai jalǵyz adamdyq piketke shyǵý sebebin túsindire ketti. Ol eldegi azǵyn dúnielerdiń órshýimen, Almaty qalasynda bastaý alǵan feministtik uiymdardyń áiel quqyǵy, bala quqyǵy, zorlyq-zombylyq dep sherýge, marshqa, mitingke shyǵyp júrgen uiymdardyń qaýipimen bailanystyryp otyr.
