AQSh delegatsiiasy Donald Tramptyń Qytaiǵa saparynan keiin elden keter aldynda jergilikti tarap bergen birqatar zattardy ushaqqa alyp kirmei, qoqys jáshigine tastaǵan, dep habarlaidy dalanews.kz.
Bul týraly amerikalyq jýrnalist Emili Gýdin habarlady. Onyń aitýynsha, sapar barysynda AQSh delegatsiiasyna berilgen akkreditatsiialyq kartalar, ýaqytsha telefondar, arnaiy beidjder men basqa da zattardy Air Force One bortyna alyp ótýge ruqsat etilmegen.
Jýrnalistiń jazýynsha, delegatsiia músheleri ushaqqa miner aldynda bul zattardyń bárin arnaiy qoqys jáshigine tastaǵan. Mundai qatań shara kiberqaýipsizdik talaptarymen bailanysty bolýy múmkin.
New York Post basylymynyń málimetinshe, Qytaiǵa sapar kezinde Donald Tramp pen amerikalyq sheneýnikterge jeke telefondaryn paidalanýǵa tyiym salynǵan. Onyń ornyna delegatsiia músheleri ýaqytsha elektrondy poshta men bir rettik telefondardy qoldanǵan.
Sarapshylar mundai saqtyq sharalary joǵary deńgeidegi halyqaralyq saparlarda jii qoldanylatynyn aitady. Ásirese kiberqaýipsizdik táýekeli joǵary elderge barǵanda, delegatsiia músheleriniń bailanys quraldary men qujattaryna erekshe baqylaý qoiylady.
