Prezident Qasym-Jomart Toqaev Astanadaǵy jeńil relsti kólik júiesiniń jumysyn resmi túrde iske qosty, dep habarlaidy dalanews.kz.
Aqordanyń málimetinshe, Memleket basshysy qoǵamdyq kólikti baqylaý jáne úilestirýmen ainalysatyn Biryńǵai dispetcherlik ortalyqtyń jumysymen tanysqan.
Astana ákimi Jeńis Qasymbektiń aitýynsha, LRT iske qosylýyna bailanysty arnaiy dispetcherlik qyzmet qurylǵan. Qazirgi ýaqytta qoǵamdyq kólik júiesiniń monitoringi men retteý jumystaryna 21 maman tartylǵan.
Árbir LRT quramy 600-den astam jolaýshyny tasymaldaýǵa arnalǵan.
Uzyndyǵy 22,4 shaqyrym bolatyn jelide 15 poiyz qatynaidy. Onyń tórteýi rezerv retinde qarastyrylǵan. Poiyzdar tolyqtai pilotsyz rejimde jumys isteidi.
«Basqarý, jyldamdyqty arttyrý, tejeý jáne esikterdi ashý protsesteri, sondai aq tótenshe jaǵdai kezindegi jumys tolyq avtomattandyrylǵan. Qosymsha baqylaý úshin qolmen basqarý jáne dispetchermen bailanys múmkindigi saqtalǵan», – dep habarlady Aqorda.
LRT infraqurylymyna 18 stantsiia men zamanaýi depo kiredi.
Marshrýt boiynsha tolyq júrý ýaqyty shamamen 40 minýtty quraidy. Ortasha qozǵalys jyldamdyǵy saǵatyna 50–60 shaqyrym bolady.
Poiyzdardyń qozǵalys aralyǵy 5–6 minýt deńgeiinde josparlanǵan.
Aqordanyń málimetinshe, Prezident bul oqiǵanyń Astana men búkil Qazaqstan úshin erekshe mańyzǵa ie ekenin atap ótken.
«Qasym-Jomart Toqaev bolashaqta elorda Eýraziianyń iri kólik habyna ainalýy tiis ekenin aitty», – delingen habarlamada.
Prezidentke 001 seriialy arnaiy karta tabystaldy.
Toqaev júieniń alǵashqy jolaýshysy retinde «Áýejai» stantsiiasynan «Ulttyq mýzei» stantsiiasyna deiin júrip ótti.
Sonymen qatar Astanada LRT júiesiniń ekinshi kezeńi de qarastyrylyp jatyr.
Aqorda málimetinshe, jańa jeliler «Astana 1» vokzaly, «Jaǵalaý» turǵyn alaby jáne Qosshy baǵytyna deiin salynýy múmkin.
Ekinshi kezeńniń jalpy uzyndyǵy 26,5 shaqyrym bolady jáne oǵan 20 stantsiia kiredi.
«Memleket basshysy Qasym-Jomart Toqaev qytailyq kompaniia ókilderine, CTS Transportation jáne Astana LRT qyzmetkerlerine jobany ári qarai júzege asyrýda tabys tiledi», – dep málimdedi Aqorda.
