پرەزيدەنت قاسىم-جومارت توقاەۆ استاناداعى جەڭٸل رەلستٸ كٶلٸك جٷيەسٸنٸڭ جۇمىسىن رەسمي تٷردە ٸسكە قوستى, دەپ حابارلايدى dalanews.kz.
اقوردانىڭ مەلٸمەتٸنشە, مەملەكەت باسشىسى قوعامدىق كٶلٸكتٸ باقىلاۋ جەنە ٷيلەستٸرۋمەن اينالىساتىن بٸرىڭعاي ديسپەتچەرلٸك ورتالىقتىڭ جۇمىسىمەن تانىسقان.
استانا ەكٸمٸ جەڭٸس قاسىمبەكتٸڭ ايتۋىنشا, LRT ٸسكە قوسىلۋىنا بايلانىستى ارنايى ديسپەتچەرلٸك قىزمەت قۇرىلعان. قازٸرگٸ ۋاقىتتا قوعامدىق كٶلٸك جٷيەسٸنٸڭ مونيتورينگٸ مەن رەتتەۋ جۇمىستارىنا 21 مامان تارتىلعان.
ەربٸر LRT قۇرامى 600-دەن استام جولاۋشىنى تاسىمالداۋعا ارنالعان.
ۇزىندىعى 22,4 شاقىرىم بولاتىن جەلٸدە 15 پويىز قاتىنايدى. ونىڭ تٶرتەۋٸ رەزەرۆ رەتٸندە قاراستىرىلعان. پويىزدار تولىقتاي پيلوتسىز رەجيمدە جۇمىس ٸستەيدٸ.
«باسقارۋ, جىلدامدىقتى ارتتىرۋ, تەجەۋ جەنە ەسٸكتەردٸ اشۋ پروتسەستەرٸ, سونداي اق تٶتەنشە جاعداي كەزٸندەگٸ جۇمىس تولىق اۆتوماتتاندىرىلعان. قوسىمشا باقىلاۋ ٷشٸن قولمەن باسقارۋ جەنە ديسپەتچەرمەن بايلانىس مٷمكٸندٸگٸ ساقتالعان», – دەپ حابارلادى اقوردا.
LRT ينفراقۇرىلىمىنا 18 ستانتسييا مەن زاماناۋي دەپو كٸرەدٸ.
مارشرۋت بويىنشا تولىق جٷرۋ ۋاقىتى شامامەن 40 مينۋتتى قۇرايدى. ورتاشا قوزعالىس جىلدامدىعى ساعاتىنا 50–60 شاقىرىم بولادى.
پويىزداردىڭ قوزعالىس ارالىعى 5–6 مينۋت دەڭگەيٸندە جوسپارلانعان.
اقوردانىڭ مەلٸمەتٸنشە, پرەزيدەنت بۇل وقيعانىڭ استانا مەن بٷكٸل قازاقستان ٷشٸن ەرەكشە ماڭىزعا يە ەكەنٸن اتاپ ٶتكەن.
«قاسىم-جومارت توقاەۆ بولاشاقتا ەلوردا ەۋرازييانىڭ ٸرٸ كٶلٸك حابىنا اينالۋى تيٸس ەكەنٸن ايتتى», – دەلٸنگەن حابارلامادا.
پرەزيدەنتكە 001 سەرييالى ارنايى كارتا تابىستالدى.
توقاەۆ جٷيەنٸڭ العاشقى جولاۋشىسى رەتٸندە «ەۋەجاي» ستانتسيياسىنان «ۇلتتىق مۋزەي» ستانتسيياسىنا دەيٸن جٷرٸپ ٶتتٸ.
سونىمەن قاتار استانادا LRT جٷيەسٸنٸڭ ەكٸنشٸ كەزەڭٸ دە قاراستىرىلىپ جاتىر.
اقوردا مەلٸمەتٸنشە, جاڭا جەلٸلەر «استانا 1» ۆوكزالى, «جاعالاۋ» تۇرعىن الابى جەنە قوسشى باعىتىنا دەيٸن سالىنۋى مٷمكٸن.
ەكٸنشٸ كەزەڭنٸڭ جالپى ۇزىندىعى 26,5 شاقىرىم بولادى جەنە وعان 20 ستانتسييا كٸرەدٸ.
«مەملەكەت باسشىسى قاسىم-جومارت توقاەۆ قىتايلىق كومپانييا ٶكٸلدەرٸنە, CTS Transportation جەنە Astana LRT قىزمەتكەرلەرٸنە جوبانى ەرٸ قاراي جٷزەگە اسىرۋدا تابىس تٸلەدٸ», – دەپ مەلٸمدەدٸ اقوردا.
