الماتىدا بۇرىن مەملەكەتتٸك ورگاندارعا بەرٸلمەك بولعان Lamborghini ساتىلىمعا قايتا شىعارىلدى, دەپ حابارلايدى Dalanews.kz.
Nege.Aqsha تەلەگرام ارناسىنىڭ مەلٸمەتٸنشە, الماتى قالالىق مەملەكەتتٸك مٷلٸك جەنە جەكەشەلەندٸرۋ دەپارتامەنتٸ اۋكتسيون جارييالاپ, اشىق جاسىل تٷستٸ Lamborghini Huracan كٶلٸگٸن ساتىلىمعا قويدى. باستاپقى باعاسى 343,3 ملن تەڭگە دەپ بەلگٸلەنگەن.
اۋكتسيون باعانى تٶمەندەتۋ تەسٸلٸمەن ٶتەدٸ. الدىمەن كٶلٸك جوعارى باعامەن ۇسىنىلادى, ال ساتىپ الۋشى تابىلماسا, قۇنى كەزەڭ-كەزەڭٸمەن ارزانداي بەرەدٸ. ساتىپ الۋعا بٸرٸنشٸ بولىپ كەلٸسٸم بەرگەن ادام كٶلٸكتٸ سول كەزدەگٸ باعامەن الادى. ەڭ تٶمەنگٸ شەگٸ - 57,2 ملن تەڭگە.
ايتا كەتەيٸك, بۇعان دەيٸن اتالعان سۋپەركاردى مەملەكەتتٸك زاڭدى تۇلعالاردىڭ بالانسىنا بەرۋ جوسپارلانعان ەدٸ. ەندٸ كٶلٸك اشىق نارىقتا ساتىلماق.
