الماتىدا مايىتتەردى زورلادى دەگەن كۇدىككە ىلىنگەن ەر ادامعا قاتىستى سوت ۇكىمى شىقتى، دەپ حابارلايدى Dalanews.kz.
جابىق سوت وتىرىسىندا مايىتتەردىڭ دەنەسىن قورلادى دەگەن ايىپپەن ب.-عا قاتىستى مەديسينالىق سيپاتتاعى ماجبۇرلەۋ شارالارىن قولدانۋ تۋرالى ماتەريالى (قك 314-بابىنىڭ 2-بولىگى، 1-تارماعى) قارالدى.
سوتتا انىقتالعانى:
ءىس ماتەريالدارىنا سايكەس، ب. سوزىلمالى پسيحيكالىق اۋىتقۋشىلىقپەن اۋىرادى (2024 جىلعى 24 ماۋسىمداعى سوت-پسيحياتريالىق ساراپتاماسىنىڭ قورىتىندىسى) جانە 2023 جىلعى ساۋىردەن 2023 جىلعى قازانعا دەيىنگى كەزەڭدە ءمايىتحانا عيماراتىندا بىرنەشە رەت مايىتتەردىڭ دەنەلەرىن قياناتتادى، جانە ول ۇيالى تەلەفونىنا وسىنىڭ بارلىعىن ۆيدەوعا ءتۇسىرىپ العان.
ساراپشىلاردىڭ قورىتىندىسىنا سايكەس، ەر ادامعا پسيحياتريالىق ستاسيوناردا ماجبۇرلەپ ەمدەۋ تۇرىندەگى مەديسينالىق شارالاردى قولدانۋ ۇسىنىلدى.
سوت شەشىمى:
سوت ساراپتامالىق قورىتىندىلارعا سۇيەنە وتىرىپ، ب.-نىڭ ءوز ىس-ارەكەتىن جاساۋ كەزىندە ەسى دۇرىس ەمەستىك جاعدايدا بولعانى جانە سوزىلمالى پسيحيكالىق اۋرۋىنا بايلانىستى ءوز ىس-ارەكەتىنىڭ ءمانى مەن قوعامدىق قاۋىپتىلىگىن تۇسىنە المايتىندىعى، سونداي-اق ولاردى باسقارا المايتىندىعى تۋرالى قورىتىندىعا كەلدى.
سوت قاۋلىسىمەن سوتتالۋشى ەسى دۇرىس ەمەس دەپ تانىلىپ، پسيحياتريالىق ستاسيونارعا ماجبۇرلەپ ەمدەۋگە جىبەرىلدى.
