الماتىداعى جاڭا برت جەلٸسٸندە جول قوزعالىسى ەرەجەلەرٸ ساقتالۋىنا باقىلاۋ كٷشەيتٸلدٸ, دەپ حابارلايدى Dalanews.kz.
الماتىدا جاڭا برت جەلٸسٸ ٸسكە قوسىلدى, سوعان بايلانىستى پوليتسييانىڭ تەكسەرٸسٸ كٷشەيتٸلدٸ. جەلٸنٸ پايدالانۋدىڭ باستاپقى كەزەڭٸندە نەگٸزگٸ نازار پروفيلاكتيكالىق, تٷسٸندٸرۋ جۇمىستارىنا باعىتتالادى. پوليتسييا قىزمەتكەرلەرٸ جٷرگٸزۋشٸلەرگە جول قوزعالىسىن ۇيىمداستىرۋداعى ٶزگەرٸستەردٸ تٷسٸندٸرٸپ, جاڭا جول تاڭبالارى مەن بەلگٸلەرگە باعدار بەردٸ, سونداي-اق, قوزعالىستىڭ جاڭا تەرتٸبٸنە بەيٸمدەلۋگە كٶمەكتەستٸ.
"بەيٸمدەلۋ كەزەڭٸ اياقتالعاننان كەيٸن جول قوزعالىسى ەرەجەلەرٸن بۇزعان جٷرگٸزۋشٸلەرگە قاتىستى ەكٸمشٸلٸك ىقپال ەتۋ شارالارى قابىلدانا باستايدى. ەسٸرەسە, قوعامدىق كٶلٸككە ارنالعان ارنايى جولاقتاردا كٶلٸكتٸ توقتاتۋ جەنە قويۋ, سونداي-اق, جەكە كٶلٸكتەردٸڭ برت جولاعىنا شىعۋ دەرەگٸنە ەرەكشە نازار اۋدارىلادى. قۇقىقبۇزۋشىلىقتار پوليتسييا ناريادتارىمەن قاتار فوتو جەنە بەينەباقىلاۋ قۇرالدارى ارقىلى دا تٸركەلەدٸ", – دەدٸ الماتى قالاسى پد ەكٸمشٸلٸك پوليتسييا باسقارماسىنىڭ باستىعى سەرٸك شۋماەۆ.
الماتى پوليتسيياسى جٷرگٸزۋشٸلەردٸ جول قوزعالىسىنا جاۋاپكەرشٸلٸكپەن قاراپ, ەرەجەلەردٸ قاتاڭ ورىنداۋعا جەنە قوعامدىق كٶلٸكتٸڭ قوزعالىسىنا كەدەرگٸ كەلتٸرمەۋگە شاقىردى.
