جىل باسىنان بەرى الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مونيتورينگ توپتارى 31 548-دەن استام نىساندى تەكسەردى. ونىڭ 2700-دەن استامىنىڭ كارانتين تالاپتارىن بۇزعانى انىقتالدى.
ەپيدەميولوگتاردىڭ ايتۋىنشا، قازىرگى كەزدە قالاداعى كوروناۆيرۋسقا بايلانىستى احۋال ءالى دە كۇردەلى. سوندىقتان قۇرامىندا اكىمدىك پەن پوليسيا قىزمەتكەرلەرى، "اتامەكەن" كاسىپكەرلەر پالاتاسىنىڭ وكىلدەرى، ەرىكتىلەر بار ءموبيلدى توپتار شاعىن جانە ورتا بيزنەس نىساندارىن، وڭتۇستىك استانا تۇرعىندارى مەن قوناقتارىنىڭ كارانتيندىك شەكتەۋلەردى ساقتاۋلارىن تەكسەرۋدى جالعاستىرۋدا.
ەپيدەميولوگيالىق تالاپتار بۇزىلاتىن نىساندار ەرەكشە باقىلاۋعا الىنادى، ولار: سوسو، كافەلەر، مەيرامحانالار، كاراوكە، بارلار، ساۋدا ورتالىقتارى. سونىڭ ىشىندە Ashyq جوباسى اياسىندا جۇمىس ىستەيتىن كاسىپكەرلىك سۋبەكتىلەرى دە تەكسەرىلۋدە.
باس مەملەكەتتىك سانيتارلىق دارىگەردىڭ جاڭا قاۋلىسىنا سايكەس، ەگەر ولار Ashyq جوباسىنىڭ قاتىسۋشىلارى بولسا، ساعات 20.00-گە دەيىن جانە ەكى جاعدايدا دا كەلۋشىلەر 50%-دى ءارى 50 ادامنان اسپايتىن بولسا، تاماقتانۋ ورىندارىنا جۇمىس كۇندەرى ساعات 17.00-گە دەيىن جۇمىس ىستەۋگە رۇقسات ەتىلەدى.
الايدا، الماتىدا ءبىر كۇننىڭ ىشىندە ونعا جۋىق كارانتين تالاپتارىن بۇزعاندار تىركەلگەن.
سونداي-اق 26 شىلدە كۇنى ساعات 22.14-تە تەكسەرۋشىلەر دۋلاتي كوشەسىندەگى جۇمىس رەجيمىن بۇزعان "ۇلى تاۋ" مەيرامحاناسىن تىركەدى. ولار Ashyq جوباسىنىڭ قاتىسۋشىلارى، ءبىراق شەكتەۋلەرگە قاراماستان قوناقتاردى قابىلداۋدى جالعاستىردى.
تاعى ءبىر بۇزۋشىلىق سول كۇنى ساعات 21.41-دە "المالى" ءدامحاناسىندا انىقتالدى. ساعات 22.52-دە تەكسەرۋشىلەر ءال-فارابي داڭعىلىنداعى "Nino" مەيرامحاناسىن تىركەدى.
26 شىلدە كۇنى ساعات 23.10-دا ءال-فارابي داڭعىلىنداعى "Little Brazil" مەيرامحاناسىندا جۇمىس رەجيمىنىڭ بۇزىلۋى انىقتالدى.
سونداي-اق بۇزۋشىلار تىزىمىندە حان ءتاڭىرى ىقشاماۋدانىنداعى "رايسكيي ساد" جانە دوستىق داڭعىلىنداعى "ZQVADRAT" مەيرامحانالارى بار.
الماتىنىڭ مونيتورينگ توبىنداعىلاردىڭ ايتۋىنشا، جىل باسىنان بەرى كارانتين تالاپتارىن بۇزاتىندار انىقتالۋدا. قالا تۇرعىندارى كارانتين رەجيمىن ساقتاۋعا بارىنشا جاۋاپكەرشىلىكپەن قاراۋلارى ءتيىس: ادام كوپ جينالاتىن ورىنداردان اۋلاق بولۋ، بەتپەردە رەجيمىن جانە الەۋمەتتىك قاشىقتىقتى ساقتاۋ، ويىن-ساۋىق مەكەمەلەرىنە ولاردىڭ جۇمىس رەجيمىنەن تىس بارماۋ، سونداي-اق ۆاكسينا ماسەلەسىن كەيىنگە قالدىرماۋ.
