Jyl basynan beri Almaty qalasynyń Sanıtarlyq-epıdemıologıalyq baqylaý departamentiniń monıtorıń toptary 31 548-den astam nysandy tekserdi. Onyń 2700-den astamynyń karantın talaptaryn buzǵany anyqtaldy.
Epıdemıologtardyń aıtýynsha, qazirgi kezde qaladaǵy koronavırýsqa baılanysty ahýal áli de kúrdeli. Sondyqtan quramynda ákimdik pen polısıa qyzmetkerleri, "Atameken" kásipkerler palatasynyń ókilderi, eriktiler bar mobıldi toptar shaǵyn jáne orta bıznes nysandaryn, ońtústik astana turǵyndary men qonaqtarynyń karantındik shekteýlerdi saqtaýlaryn tekserýdi jalǵastyrýda.
Epıdemıologıalyq talaptar buzylatyn nysandar erekshe baqylaýǵa alynady, olar: SOSO, kafeler, meıramhanalar, karaoke, barlar, saýda ortalyqtary. Sonyń ishinde Ashyq jobasy aıasynda jumys isteıtin kásipkerlik sýbektileri de tekserilýde.
Bas memlekettik sanıtarlyq dárigerdiń jańa qaýlysyna sáıkes, eger olar Ashyq jobasynyń qatysýshylary bolsa, saǵat 20.00-ge deıin jáne eki jaǵdaıda da kelýshiler 50%-dy ári 50 adamnan aspaıtyn bolsa, tamaqtaný oryndaryna jumys kúnderi saǵat 17.00-ge deıin jumys isteýge ruqsat etiledi.
Alaıda, Almatyda bir kúnniń ishinde onǵa jýyq karantın talaptaryn buzǵandar tirkelgen.
Sondaı-aq 26 shilde kúni saǵat 22.14-te tekserýshiler Dýlatı kóshesindegi jumys rejımin buzǵan "Uly Taý" meıramhanasyn tirkedi. Olar Ashyq jobasynyń qatysýshylary, biraq shekteýlerge qaramastan qonaqtardy qabyldaýdy jalǵastyrdy.
Taǵy bir buzýshylyq sol kúni saǵat 21.41-de "Almaly" dámhanasynda anyqtaldy. Saǵat 22.52-de tekserýshiler ál-Farabı dańǵylyndaǵy "Nino" meıramhanasyn tirkedi.
26 shilde kúni saǵat 23.10-da ál-Farabı dańǵylyndaǵy "Little Brazil" meıramhanasynda jumys rejıminiń buzylýy anyqtaldy.
Sondaı-aq buzýshylar tiziminde Han Táńiri yqshamaýdanyndaǵy "Raıskıı sad" jáne Dostyq dańǵylyndaǵy "ZQVADRAT" meıramhanalary bar.
Almatynyń monıtorıń tobyndaǵylardyń aıtýynsha, jyl basynan beri karantın talaptaryn buzatyndar anyqtalýda. Qala turǵyndary karantın rejımin saqtaýǵa barynsha jaýapkershilikpen qaraýlary tıis: adam kóp jınalatyn oryndardan aýlaq bolý, betperde rejımin jáne áleýmettik qashyqtyqty saqtaý, oıyn-saýyq mekemelerine olardyń jumys rejıminen tys barmaý, sondaı-aq vaksına máselesin keıinge qaldyrmaý.
