الماتى قالالىق جەدەل جاردەم قىزمەتىنىڭ باس دارىگەرى پارحاد نادىروۆتىڭ نازارىنا!

رەداكسيامىزعا الماتى قالالىق جەدەل جاردەم قىزمەتىنىڭ قىزمەتكەرلەرى №2  جەدەل جاردەم ستانسياسىنىڭ مەڭگەرۋشىسى سايلاۋبەك ابۋوۆتى جۇمىستان شىعارۋعا نازارازى ەكەندەرىن ءبىلدىرىپ حات جولدادى.

 

ءبىزدىڭ ۇلكەن ۇجىم سىزدەن بىزدەگى №2 جەدەل جاردەم ستانسياسىنىڭ مەڭگەرۋشىسى سايلاۋبەك ابۋوۆتى جۇمىستان شىعارماۋدى وتىنەدى.

بولىمگە جەتەكشىلىك ەتكەن از ۋاقىتتىڭ ىشىندە س.ابۋوۆ ءوزىن تەك جاقسى قىرىنان كورسەتە ءبىلدى.

ونىڭ كاسىبي ءومىرى وسى سالامەن تىعىز بايلانىستى ەكەنىن ءوزىڭىز دە جاقسى بىلەسىز.

دارىگەرلىك قىزمەتتى سانيتارلىق جۇمىستان باستاعان س.ابۋوۆ بۇگىنگى از-كەم جەتىستىگىنە ءوز ەڭبەگىمەن قول جەتكىزدى.

ودان بۇرىن ءبىزدىڭ ءبولىمنىڭ مەڭگەرۋشىسىن ۇستى-ۇستىنە اۋىستىرا بەرۋ ۇجىمنىڭ كوڭىل-كۇيىنە كەرى اسەر ەتەدى. وسىنى دا ەسكەرىڭىز.

ءبىز ابۋوۆتىڭ ءوز ورنىندا قالعانىن قالايمىز.

س.ابۋوۆ كەلگەلى بەرى ۋاقىتتا كوپتەگەن وزگەرىستەر بولدى. ءبىز ستانسياسىنىڭ كۇردەلى جوندەۋى اياقتالىپ، بولىمدەگى جيھازدار جاڭاردى. ۇجىمنىڭ جۇمىسقا دەگەن بەلسەندىلىگى ارتتى. جۇمىسقا ەرەكشە ىقىلاسپەن، جاقسى كوڭىل-كۇيمەن كەلەتىن بولدىق.

ءبىر قۇمالاق ءبىر قارىن مايدى شىرىتەدى. وسى ۇجىمدا اراعا وت سالاتىن ادامدار بار ەكەنىن كەش اڭعاردىق.

وسىعان بايلانىستى قوڭىراۋ قابىلدايتىن مامان، ديسپەچەر ە. بادالبايەۆانى جۇمىستان شىعارۋدى تالاپ ەتەمىز.

وسى ازاماتشانىڭ كەسىرىنەن ءبىزدىڭ بولىمگە مەڭگەرۋشى توقتاماي قويدى.

2020 جىلى №2  جەدەل جاردەم ستانسياسىندا ءۇش مەڭگەرۋشى اۋىستى.

مۇنداي جاعدايدا ءوز جۇمىسىڭا كوڭىل قويىپ ىستەۋ مۇمكىن ەمەس.

ءبىز ابۋوۆتىڭ ورنىندا قالعانىن قالايمىز. بۇل ادىلەتتى شەشىم دەپ ەسەپتەيمىز.

ال فەلدشەر ماحامبەتوۆكە قاتىستى ايتارىمىز، ول بۇعان دەيىن ءوز كاسىبي مىندەتىن ورىنداماعانى ءۇشىن، ياعني بىلىكسىزدىگى ءۇشىن جۇمىستان قۋىلعان بولاتىن.

حاتقا №2  جەدەل جاردەم ستانسياسىنىڭ بارلىق ماماندارى قول قويعان.