Almaty qalalyq Jedel járdem qyzmetiniń bas dárigeri Parhad Nadyrovtyń nazaryna!
Redaktsiiamyzǵa Almaty qalalyq Jedel járdem qyzmetiniń qyzmetkerleri №2 jedel járdem stantsiiasynyń meńgerýshisi Sailaýbek Abýovty jumystan shyǵarýǵa nazarazy ekenderin bildirip hat joldady.
Bizdiń úlken ujym sizden bizdegi №2 jedel járdem stantsiiasynyń meńgerýshisi Sailaýbek Abýovty jumystan shyǵarmaýdy ótinedi.
Bólimge jetekshilik etken az ýaqyttyń ishinde S.Abýov ózin tek jaqsy qyrynan kórsete bildi.
Onyń kásibi ómiri osy salamen tyǵyz bailanysty ekenin ózińiz de jaqsy bilesiz.
Dárigerlik qyzmetti sanitarlyq jumystan bastaǵan S.Abýov búgingi az-kem jetistigine óz eńbegimen qol jetkizdi.
Odan buryn bizdiń bólimniń meńgerýshisin ústi-ústine aýystyra berý ujymnyń kóńil-kúiine keri áser etedi. Osyny da eskerińiz.
Biz Abýovtyń óz ornynda qalǵanyn qalaimyz.
S.Abýov kelgeli beri ýaqytta kóptegen ózgerister boldy. Biz stantsiiasynyń kúrdeli jóndeýi aiaqtalyp, bólimdegi jihazdar jańardy. Ujymnyń jumysqa degen belsendiligi artty. Jumysqa erekshe yqylaspen, jaqsy kóńil-kúimen keletin boldyq.
Bir qumalaq bir qaryn maidy shiritedi. Osy ujymda araǵa ot salatyn adamdar bar ekenin kesh ańǵardyq.
Osyǵan bailanysty qońyraý qabyldaityn maman, dispetcher E. Badalbaevany jumystan shyǵarýdy talap etemiz.
Osy azamatshanyń kesirinen bizdiń bólimge meńgerýshi toqtamai qoidy.
2020 jyly №2 jedel járdem stantsiiasynda úsh meńgerýshi aýysty.
Mundai jaǵdaida óz jumysyńa kóńil qoiyp isteý múmkin emes.
Biz Abýovtyń ornynda qalǵanyn qalaimyz. Bul ádiletti sheshim dep esepteimiz.
Al feldsher Mahambetovke qatysty aitarymyz, ol buǵan deiin óz kásibi mindetin oryndamaǵany úshin, iaǵni biliksizdigi úshin jumystan qýylǵan bolatyn.
Hatqa №2 jedel járdem stantsiiasynyń barlyq mamandary qol qoiǵan.
